அலங்கு திரை விமர்சனம்

பழங்குடி சமூகத்தைச் சேர்ந்த நாயகன் குணாநிதி, காளி என்ற நாயை வளர்க்கிறார். வேலைக்காக தனது உறவினர்களுடன் கேரளா செல்லும் வழியில் வரும் ஒரு பிரச்சனையால் நாய்க்கு ஆபத்து ஏற்படுகிறது.

அதில் ஒருவரது கையை குணாநிதி வெட்டிவிடுகிறார். கையை இழந்தவர் குணாநிதி மற்றும் அவரது கூட்டத்தை கொலை செய்ய துடிக்க, அவர்களிடம் இருந்து தப்பிக்க காட்டு வழியாக பயணம் மேற்கொள்கிறார்கள். அந்த பயணம் அவர்களை தப்பிக்க வைத்ததா? அல்லது வேறு ஆபத்தில் சிக்க வைத்ததா? என்பதே அலங்கு படக்கதை. படத்தில் குணாநிதி அழகான அதிரடியான  நடிப்பை வெளிப்படுத்தி இருக்கிறார்.

மலையன் கதாபாத்திரத்தில் நடித்திருக்கும் காளி வெங்கட் வழக்கம் போல் கலக்கியிருக்கிறார். நாயகனின் அம்மாவாக நடித்திருக்கும் ஸ்ரீரேகா, வித்தியாசமான தோற்றத்தில் மட்டும் இன்றி நடிப்பிலும் கவனம் ஈர்க்கிறார். ஒளிப்பதிவாளர் பாண்டிக்குமார்,  இசையமைப்பாளர் அஜீஷ், சான் லோகேஷின் படத்தொகுப்பு ஆகியவை படத்தை விறுவிறுப்பாகவும், வேகமாகவும் நகர்த்திச் செல்ல உதவியிருக்கிறது.

எழுதி இயக்கியிருக்கும் எஸ்.பி.சக்திவேல், காளி என்ற நாயையும், அதன் செயல்பாடுகளையும் மிக தத்ரூபமாக படமாக்கியிருக்கிறார். ஆக்‌ஷன் படம் என்றாலும், நாய் மட்டும் இன்றி யானை, நரிக்கூட்டம் என்று வன விலங்குகளையும் காட்சிகளில் பயன்படுத்தி சிறுவர்களையும் கவர முயற்சித்திருக்கும் இயக்குநர் சக்திவேலின் உழைப்பு திரையில் தெரிகிறது. மொத்தத்தில், ‘அலங்கு’ அட்டகாசம்.