சரத்குமாரின் ஸ்மைல் மேன் விமர்சனம்

சிபிசிஐடி அதிகாரியான சரத்குமார், ஸ்மைல் மேன் என்ற சைக்கோ கொலையாளியை பிடிக்கும் முயற்சியில் ஈடுபடும் போது விபத்தில் சிக்கி உடல் நிலை பாதிக்கப்படுகிறார்.

சில மாதங்களுக்குப் பிறகு குணமடைந்தாலும் அல்சைமர் என்ற மறதி நோயால் பாதிக்கப்படுகிறார்.  அதே சமயம், சைக்கோ கொலையாளிக்கும் தனக்கும் ஏதோ ஒரு தொடர்பு இருப்பதை கண்டுபிடிக்கும் சரத்குமார், அது என்ன? என்பதை தெரிந்து கொள்ள மீண்டும் அந்த கொலையாளியை பிடிப்பதற்கான முயற்சியில் ஈடுபடுகிறார். 

அந்த முயற்சியில் அவர் வெற்றி பெற்றாரா?, சைக்கோ கொலையாளிக்கும் சரத்குமாருக்கும் உள்ள தொடர்பு என்ன? என்பதே ‘ஸ்மைல் மேன்’ படத்தின் கதை. படத்தில் தன்னால் முடிக்க முடியாமல் போன வழக்கை முடிக்க போராடும் ஒரு அதிகாரியாக நடித்து படத்திற்கு பெரும் தூணாக பயணித்திருக்கிறார்.

சிஜா ரோஸ், ஸ்ரீகுமார் இனியா, சுரேஷ் மேனன், நட்ராஜன், ராஜ்குமார், மலைராஜன் என அனைவரும் கதாபாத்திரத்திற்கு பொருத்தமான தேர்வாக அமைந்திருக்கிறார்கள்.. ஒளிப்பதிவாளர் விக்ரம் மோகன், இசையமைப்பாளர் கவாஸ்கர் அவினாஸ், படத்தொகுப்பாளர் ஷான் லோகேஷ் ஆகியோரது பணி படத்தின் தரத்தை உயரத்தியிருக்கிறது. மொத்தத்தில், ‘ஸ்மைல் மேன்’ படத்தை ஒரு முறை பார்க்கலாம்.