குட் பேட் அக்லி திரைப்படம்: நடிகர் ரஜினிகாந்த் வாழ்த்து

சென்னை: 'குட் பேட் அக்லி' திரைப்படம் வெற்றி பெற வாழ்த்துகள் என்று நடிகர் ரஜினிகாந்த் தெரிவித்துள்ளார்.

ஜெயிலர் 2 படப்பிடிப்பிற்காக கோவை செல்லும் நடிகர் ரஜினிகாந்த் சென்னை விமான நிலையத்தில் செய்தியாளர்களுக்கு பேட்டி அளித்தார். அப்போது அவர் கூறியதாவது:

மறைந்த காங்கிரஸ் மூத்த தலைவர் குமரி அனந்தன் தூய்மையான அரசியல்வாதி. நல்ல மனிதர். அவரின் குடும்பத்தினருக்கு இரங்கலை தெரிவித்துக் கொள்கிறேன். கூலி படம் ஆகஸ்ட் 14-ந்தேதி வெளி வருகிறது. கூலி படம் நன்றாக போய்க்கொண்டு இருக்கிறது. ஜெயிலர் 2 ஆரம்பித்து உள்ளோம். முடிப்பது எப்போது என்று தெரியாது. ஜெயிலர் பாகம் 2 படப்பிடிப்பு நன்றாக செல்கிறது.'குட் பேட் அக்லி' திரைப்படம் வெற்றி பெற வாழ்த்துகள். இவ்வாறு அவர் கூறினார்.