அ.தி.மு.க. நிர்வாகிகளுடன் இ.பி.எஸ். திடீர் ஆலோசனை

சென்னை: அமித் ஷா சென்னை வந்துள்ள நிலையில், அ.தி.மு.க. நிர்வாகிகளுடன் தனது இல்லத்தில் எடப்பாடி பழனிசாமி ஆலோசனை நடத்தினார்.

பரபரப்பான அரசியல் சூழ்நிலையில் டெல்லியில் இருந்து மத்திய உள்துறை அமைச்சர் அமித்ஷா தனி விமானம் மூலம் நேற்று இரவு சென்னை வந்தார். மத்திய அமைச்சர் அமித்ஷா, அ.தி.மு.க. பொதுச்செயலாளர் எடப்பாடி பழனிசாமி, முன்னாள் முதலமைச்சர் ஓ.பன்னீர்செல்வம், அ.ம.மு.க. பொதுச்செயலாளர் டி.டி.வி.தினகரன் உள்பட முக்கிய அரசியல் கட்சி தலைவர்களை சந்தித்து சட்டசபை தேர்தல் கூட்டணி குறித்து ஆலோசனை நடத்த உள்ளார்.

இந்த நிலையில் அ.தி.மு.க. பொதுச்செயலாளர் எடப்பாடி பழனிசாமி தனது இல்லத்தில் மூத்த நிர்வாகிகளுடன் நேற்று ஆலோசனை நடத்தியதாக தகவல் வெளியாகி உள்ளது. இன்று அமித்ஷாவை சந்திக்க வாய்ப்புள்ள நிலையில் நிர்வாகிகளுடன் எடப்பாடி பழனிசாமி ஆலோசனை நடத்த உள்ளார்.