எஸ்.எஸ்.எல்.சி தேர்வு முடிவுகள் நாளை வெளியாகிறது

சென்னை, ஜூன்.3 - நடைபெற்று முடிந்த ஏப்ரல் 2012 எஸ்.எஸ்.எல்.சி (புதிய பழைய பாடத்திட்டம்) ஓ.எஸ்.எல்.சி, மெட்ரிக், ஆங்கிலோ - இந்தியன் பொதுத் தேர்வு எழுதியவர்களின் தேர்வு முடிவுகள் 4.6.2012 அன்று பிற்பகல் 1.30 மணிக்கு வெளியிடப்படுகின்றன. தேர்வு முடிவுகளை http://tnresults.nic.in  என்ற வலைதளத்தில் காணலாம்.

மாவட்ட அளவிலான மாணவர்களின் தேர்வு முடிவுகளை சம்பந்தப்பட்ட முதன்மைக்கல்வி அலுவலர்களுக்கு அந்தந்த மாவட்டத்திலுள்ள தேசிய தகலியல் மையம் மூலம் வழங்கப்படும்.

கணினி வசதி கொண்ட பள்ளித் தலைமை ஆசிரியர்கள் அவர்களுக்கு வழங்கப்பட்டுள்ள யூசர் ஐடி மற்றும் பாஸ்வேர்ட் உதவியுடன் அந்தந்த பள்ளிகளிலேயே மாணவர்கள் தேர்வு முடிவுகளை பதிவிறக்கம் செய்து கொள்ளலாம்.

கணினி வசதி இல்லாத பள்ளித் தலைமை ஆசிரியர்கள் தங்கள் பள்ளி மாணவர்களின் தேர்வு முடிவுகளை அவர்களுக்கு வழங்கப்பட்டுள்ள யூசர் ஐடி மற்றும் பாஸ்வேர்ட் உதவியுடன்  கணினி வசதி கொண்ட அருகாமையிலுள்ள பள்ளிகளுக்குச் சென்று தேர்வு முடிவுகளை பதிவிறக்கம் செய்து கொள்ளலாம்.

மாவட்டக் கல்வி அலுவலர்கள், பள்ளித் தலைமையாசிரியர்கள் மற்றும் தேர்வர்களுக்கு தேர்வு முடிவுகளை அறிந்து கொள்வதற்கு தேவையான அறிவுரைகளை மேற்குறித்த தகவல்களை அடிப்படையாகக் கொண்டு வழங்குமாறு கேட்டுக் கொள்ளப்படுகிறார்கள்.

மதிப்பெண் சான்றிதழ்கள் 21.6.2012 அன்று அந்தந்தப் பள்ளித் தலைமை ஆசிரியர்கள் மூலம் வழங்கப்படும் தனித் தேர்வர்கள் தாங்கள் தேர்வெழுதிய மையங்களிலிருந்து சான்றிதழ்களைப் பெற்றுக் கொள்ளலாம்.