கேமரூன் கட்சியில் இருந்து 81,000 பேர் விலகல்

லண்டன், ஜூலை, 10  - பிரிட்டிஷ் பிரதமர் டேவிட் கேமரூன் கன்சர்வேட்டிவ் கட்சியின் தலைவரான பின் சுமார் 81 ஆயிரம் பேர் கட்சியில் இருந்து விலகி உள்ளனர். கேமரூன் 2005 ம் ஆண்டில் கட்சியின் தலைவரானார். அடுத்த 6 ஆண்டுகளில் கட்சியின் அடிப்படை உறுப்பினர் என்ற நிலையில் இருந்து ஏராளமானோர் விலகி உள்ளனர். பிரிட்டனின் ஆளும் கட்சியான கன்சர்வேட்டிவ் கட்சியில் இப்போது சுமார் 1 லட்சத்து 77 ஆயிரம் உறுப்பினர்கள் உள்ளனர். கட்சியின் தலைவராக கேமரூன் பொறுப்பேற்ற போது இந்த எண்ணிக்கை சுமார் 2 லட்சத்து 58 ஆயிரமாக இருந்தது. பிரிட்டன் பிரதமராக 2011 மே மாதம் டேவிட்கேமரூன் பதவியேற்றார். இதே காலகட்டத்தில் எதிர்க்கட்சியான தொழிலாளர்கள் கட்சியில் இருந்து 4 ஆயிரம் பேர் மட்டுமே விலகி உள்ளனர். இப்போது அக்கட்சியில் ஒரு லட்சத்து 94 ஆயிரம் உறுப்பினர்கள் உள்ளனர். மற்றொரு முக்கிய கட்சியான லிப்ரல் டெமாக்ரடிக் கட்சியில் 65 ஆயிரம் உறுப்பினர்கள் உள்ளனர். 2005 ம் ஆண்டுடன் ஒப்பிடுகையில் கட்சியில் இருந்து 8 ஆயிரம் பேர் வெளியேறி உள்ளனர். அதே நேரத்தில் உறுப்பினர்கள் சேர்க்கையை தீவிரப்படுத்தி இருப்பதாக 3 கட்சியினருமே தெரிவித்துள்ளனர்.