முக்கிய செய்திகள்
Idhayam Matrimony

அடுத்த மாதம் 3-ம் வாரத்தில் மாநாட்டை நடத்த த.வெ.க. திட்டம்

திங்கட்கிழமை, 16 செப்டம்பர் 2024      தமிழகம்
Vijay 2024-07-03

Source: provided

சென்னை : நடிகர் விஜயின் தமிழக வெற்றிக் கழகத்தின் முதல் மாநில மாநாடு இந்த மாதம் நடைபெறாது என உறுதியான தகவல்கள் தெரிவிக்கின்றன. காவல்துறை அனுமதி அளித்த போதிலும் பல சிக்கல்கள் காரணமாக மாநாடு தேதி தள்ளிப் போகிறது. இந்த நிலையில் தவெக முதல் மாநில மாநாடு எப்போது நடைபெறும் என்பது குறித்து புதிய தகவல்கள் வெளியாகி இருக்கிறது.

செப்டம்பர் 23ஆம் தேதி விக்கிரவாண்டி அருகே வி-சாலை பகுதியில் தமிழக வெற்றிக் கழகத்தின் முதல் அரசியல் மாநில மாநாடு நடைபெற இருப்பதாகவும், இந்த கூட்டத்தில் நடிகர் விஜய் தனது கட்சியின் கொள்கை உள்ளிட்டவை குறித்து அறிவிப்பார் என எதிர்பார்க்கப்பட்டது. இதை அடுத்து மாநாட்டை நடத்துவதற்காக தீவிர ஏற்பாடுகளை தமிழக வெற்றிக் கழகத்தினர் செய்து வந்தனர். மாநாட்டுக்கு மாநிலம் முழுவதிலும் இருந்து சுமார் 5 லட்சம் பேரை திரட்ட வேண்டும் என உச்சகட்ட இலக்கு நிர்ணயிக்கப்பட்டிருந்தது.

இந்நிலையில் விக்கிரவாண்டியில் மாநாடு நடத்துவது தொடர்பாக தமிழக வெற்றி கழகத்தின் பொதுச்செயலாளர் புஸ்ஸி ஆனந்துக்கு விழுப்புரம் டிஎஸ்பி பார்த்திபன் 21 கேள்விகள் கேட்டு கடிதம் எழுதினர். அதில் தமிழக வெற்றிக் கழகத்தின் மாநாடு நடத்துவதற்கு செய்யப்பட்டுள்ள முன்னேற்பாடுகள் மாநாட்டுக்கு வருபவர்களுக்கு குடிநீர் வசதி செய்யப்பட்டுள்ளதா? அவசர காலங்களில் மருத்துவ வசதி மற்றும் ஆம்புலன்ஸ் வசதி ஏற்பாடு செய்யப்பட்டு இருக்கிறதா? என கேட்கப்பட்டது.

இதனையடுத்து மாநாட்டை நடத்துவதற்கான ஏற்பாடுகளை தமிழக வெற்றிக் கழகத்தினர் செய்து வந்த நிலையில், தற்போது மாநாடு தள்ளிப் போக வாய்ப்புள்ளதாக கூறப்படுகிறது. மாநாட்டுக்கு அனுமதி பெறுவது உள்ளிட்ட விவகாரங்களில் செப்டம்பர் மாதம் பாதி அதாவது 8 நாட்கள் கடந்துவிட்ட நிலையில் இன்னும் பத்து நாட்களே இடையில் இருக்கிறது. மாநாட்டுக்கு காவல் துறையினர் உள்ள கட்டுப்பாடுகளால் மாநாட்டு பணிகள் தாமதமானதாக கூறுகின்றனர்.

இந்த நிலையில் தமிழக வெற்றி கழகத்தின் முதல் மாநில மாநாடு இந்த மாதம் வெளியிட நடக்காது என உறுதியான தகவல்கள் தெரிவிக்கின்றன. ஏற்கனவே சொன்னது போல் பல சிக்கல்கள் இருப்பதால் காவல்துறை அனுமதி அளித்தும் மாநாட்டை நடத்த முடியாத சூழல் நிலவுகிறது. இந்த நிலையில் அக்டோபர் மூன்றாம் வாரத்தில் விக்கிரவாண்டியில் மாநாடு நடத்தப்படும் என தகவல் வெளியாகியிருக்கிறது.

விழுப்புரம் மற்றும் அதனை சுற்றியுள்ள பல பகுதிகளில் தமிழக வெற்றி கழக முதல் அரசியல் மாநாடு தொடர்பாக சுவர் விளம்பரங்கள் எழுதப்பட்டிருந்தது. ஏற்கனவே அதில் செப்டம்பர் 23ஆம் தேதி மாநாடு நடைபெறும் என விளம்பரங்கள் செய்யப்பட்டிருந்த நிலையில், தற்போது அந்த தேதியை அழித்துவிட்டு புதிய தேதி எழுதப்பட்டு இருக்கிறது.

அந்த வகையில் அக்டோபர் 15-ம் தேதி விக்ரவாண்டியில் தமிழக வெற்றிக் கழகத்தின் முதல் மாநில மாநாடு நடைபெறும் என சுவர் விளம்பரங்களில் எழுதப்பட்டிருக்கிறது. மாநாடு தொடர்பாக இதுவரை விஜய் அதிகாரப்பூர்வமாக எதையும் அறிவிக்காத நிலையில் கட்சியினர் விளம்பரங்களை தீவிரமாக எழுதி வருகின்றனர். இதன் மூலம் அக்டோபர் மாதத்தில் தான் மாநாடு நடைபெறும் என்பது உறுதியாக இருக்கிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 4 months 1 week ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 4 months 1 week ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 5 months 1 week ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 5 months 1 week ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 7 months 1 week ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 7 months 1 week ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.