ம.பி.யில் 5வது முறையாக பா.ஜ.க. ஆட்சி அமைக்கும் : முதல்வர் சிவ்ராஜ் சிங் சவுகான் உறுதி

போபால் : மத்திய பிரதேசத்தில் 5வது முறையாக பா.ஜ.க.., ஆட்சி அமைக்கும் என அம்மாநில முதல்வர் சிவராஜ் சிங் சவுகான் தெரிவித்துள்ளார்.

மத்தியப்பிரதேசத்தில் உள்ள 230 சட்டசபை தொகுதிகளுக்கும் நவ.,07ம் தேதி ஒரே கட்டமாக ஓட்டுப்பதிவு நடந்தது. 73.71 சதவீத ஓட்டுகள் பதிவாகி உள்ளன என தேர்தல் ஆணையம் தெரிவித்துள்ளது. தேர்தல் முடிவு டிச.,3 தேதி அறிவிக்கப்பட உள்ளது. 

இந்நிலையில், ம.பி முதல்வர் சிவராஜ் சிங் சவுகான் நிருபர்களுக்கு அளித்த பேட்டி: டிசம்பர் 3ம் தேதி மத்திய பிரதேசத்தில் 5வது முறையாக பா.ஜ.க.., ஆட்சி அமைக்கும். ஆட்சி அமைப்பதில் எந்த சந்தேகமும் இல்லை. மாநிலத்தில் பா.ஜ.க.., செய்த பணிகளுக்கு மக்கள் ஆசி வழங்குவார்கள். இவ்வாறு அவர் கூறினார். ம.பியில் 2003, 2008, 2013 மற்றும் 2020ல் பா.ஜ.க.., 4 முறை ஆட்சி அமைத்தது குறிப்பிடத்தக்கது.