மேடையில் கண் கலங்கிய சிவகார்த்திகேயன்

ராஜ்குமார் பெரியசாமி இயக்கத்தில் சிவகார்த்திகேயன் சாய் பல்லவி நடிப்பில்  கடந்த அக்டோபர் 31 ல் வெளியாகி இந்த ஆண்டின் மிகப்பெரிய வெற்றிப்படங்களில் ஒன்றாக அமரன் படம் திகழ்கிறது.

120 கோடி பட்ஜெட்டில் உருவாகியுள்ள இப்படத்தை கமல்ஹாசன் தயாரித்துள்ளார். இப்படம் 150 கோடி வசூல் பட்டியலில் இடம் பிடித்துள்ளது. இந்நிலையில் இந்த படத்தின் வெற்றிவிழா நேற்று முன்தினம் சென்னையில் நடைபெற்றது. விழாவில் பேசிய சிவகார்த்திகேயன், ஒரு படத்தின் வசூல் எனக்கு முக்கியம்தான். ஏனென்றால் அந்த படத்தில் தயாரிப்பாளர் பணம் போட்டிருக்கிறார்.

அந்த பணம் அவருக்கு திரும்பி கிடைத்தால் தான் இந்த மாதிரி இன்னும் பெரிய படங்கள் வெளியாவதற்கு வாய்ப்பு உருவாகும். நிறைய நாடுகளுக்கு நிறைய மக்களுக்கு நம் தமிழ் சினிமாவை கொண்டு சேர்க்க வேண்டும் என்பது தான் என் ஆசை. அதற்காக மட்டும்தான் இந்த வசூல் முக்கியம்னு நான் பார்க்கிறேன். கமர்ஷியல் வெற்றி ரொம்ப முக்கியம்.

இந்த மாதிரி இன்னும் நிறைய படம் வரும். நான் நிச்சயமாக அந்த மாதிரியான படங்கள் செய்ய முயற்சி செய்வேன். தமிழ் மக்களுக்கு என்றும் நான் உண்மையாக இருப்பேன் என்றார். தனது அப்பாவுக்கும் அமரன் பட நிஜ நாயகன் மேஜர் முகுந்துக்கும் உள்ள ஒற்றுமைகளைப்பற்றி பேசும் போது சிவா கண் கலங்கி விட்டார்.