பெஞ்சல் புயல் பாதிப்பு நிவாரணம்: தி.மு.க. எம்.பிக்கள் தலா ரூ. ஒரு லட்சம் வழங்க முடிவு

சென்னை:  தி.மு.க. எம்.பி.க்கள் தலா ரூ. ஒரு  லட்சம் வெள்ள பாதிப்பு பொது நிவாரண நிதிக்கு வழங்க முடிவு செய்துள்ளதாக டி.ஆர்.பாலு தெரிவித்துள்ளார் .

வங்கக்கடலில் உருவான பெஞ்சல் புயலால் பாதிக்கப்பட்டு வீடுகளையும், உடமைகளையும் இழந்த மக்களுக்கு உதவும் வகையில், முதலமைச்சர் நிவாரண நிதிக்கு பலரும் தங்களால் இயன்ற உதவிகளை செய்து வருகின்றனர். 

மற்றொருபக்கம் பாதிக்கப்பட்ட மாவட்டங்களுக்கு தேவையான நிவாரணப் பொருட்களை தமிழக அரசும், தனியார் தொண்டு நிறுவனங்களும், மாவட்ட நிர்வாகங்களும் கொடுத்து வருகின்றன. 

அந்த வகையில், முதல்வர் மு.க.ஸ்டாலின் தமது ஒருமாத ஊதியத்தை வெள்ள நிவாரண நிதியாக வழங்கினார். இந்த நிலையில்,தி.மு.க. எம்.பி.க்களும் நிதி வழங்க முடிவு செய்துள்ளனர். 

மக்களவை மற்றும் மாநிலங்களவை தி.மு.க. எம்.பி.க்கள் தலா ரூ. ஒரு லட்சம் வெள்ள நிவாரண நிதியாக முதலமைச்சர் பொது நிவாரண நிதிக்கு வழங்க முடிவு செய்துள்ளதாக டி.ஆர்.பாலு  தெரிவித்துள்ளார்.