இந்தியாவிற்குள் நுழைய முயன்ற வங்கதேச நபர் கைது

கவுகாத்தி : இந்தியாவிற்குள் சட்டவிரோதமாக நுழைய முயன்ற வங்கதேச நபர் கைது செய்யப்பட்டார்.

வங்கதேசம், மியான்மர் நாடுகளில் இருந்து சட்டவிரோதமாக எல்லை வழியாக இந்தியாவுக்குள் நுழையும் நபர்களின் எண்ணிக்கை அதிகரித்து வருகிறது. இவர்களை தடுக்க எல்லையில் பாதுகாப்பு பலப்படுத்தப்பட்டுள்ளது.

இந்நிலையில், இந்தியாவிற்குள் சட்டவிரோதமாக நுழைய முயன்ற வங்கதேசத்தை சேர்ந்த நபர் கைது செய்யப்பட்டுள்ளார். வங்காளதேசத்தில் இருந்து நேற்று அசாம் மாநில எல்லை வழியாக இந்தியாவிற்குள் சட்டவிரோதமாக நுழைய ஒருவர் முயற்சித்துள்ளார். 

அந்த நபரை எல்லைப் பாதுகாப்பு படையினர் கைது செய்தனர். பின்னர் அவரிடம் நடத்தப்பட்ட விசாரணையில் அவர் வங்கதேசத்தை சேர்ந்தவர் என்பது உறுதியானது. இதையடுத்து, அந்த நபரை பாதுகாப்பு  படையினர் வங்கதேசத்திற்கே திருப்பி அனுப்பினர்.