வெலிங்டன் கண்டோன்மெண்ட் நிர்வாகம் சார்பில் வரும் 22-ந் தேதி மாரத்தான் ஓட்டப்பந்தயம்

வெலிங்டன் கண்டோன்மெண்ட் நிர்வாகம் சார்பில் வரும் 22_ந் தேதி மாரத்தான் ஓட்டப்பந்தயம் நடைபெறுகிறது.

                                    விழிப்புணர்வு பந்தயம்

நீலகிரி மாவட்டம் குன்னூர் அருகேயுள்ள வெலிங்டன் கண்டோன்மெண்ட் நிர்வாகம் சார்பில் மத்திய அரசு டிஜிட்டல் இந்தியாவை உருவாக்க அறிவுரை வழங்கி வருவதை பொதுமக்களிடம் விழிப்புணர்வு ஏற்படுத்தும் வகையில் வரும் 22_ந் தேதி காலை 7.45 மணிக்கு வெலிங்டன் பிளாக் பிரட்ஜில் உள்ள எம்.ஆர்.சி.தங்கராஜ் மைதானத்திலிருந்து நடத்தப்படுகிறது. இதில் 12 முதல் 15 வயதுக்குட்பட்ட பள்ளி மாணவர்கள் மற்றும் மாணவிகளுக்கு தனித்தனியாக 3 கி.மீதூரமும், 16 வயதுக்கு மேற்பட்ட பெண்களுக்கு 3 கி.மீதூரமும் இலக்கு நிர்ணயம் செய்யப்பட்டுள்ளது.

                          அனைவருக்கும் சான்றிதழ்

ராணுவம் மற்றும் காவல்துறைக்கு தனியாக 10 கி.மீதூரம் இலக்கு நிர்ணயிக்கப்பட்டுள்ளது. போட்டிகள் அனைத்தும் தங்கராஜ் மைதானத்தில் தொடங்கி வெலிங்டன் கண்டோன்மெண்ட் மைதானத்தில் முடிவடையும். இப்போட்டிகளில் பங்கேற்கும் அனைவருக்கும் சான்றிதழ்கள் வழங்கப்படும். முதலிடம் பெறுபவர்களுக்கு பரிசுகள் வழங்கப்படும்.