70 ஜோடிகளுக்கு திருமணவிழா: கள்ளிக்குடி ஒன்றியத்தில் அமைச்சர் ஆர்.பி.உதயகுமார் பொதுமக்களுக்கு திருமணஅழைப்பிதழ்களை வழங்கினார்

திருமங்கலம்.- மறைந்த தமிழக முதல்வர் அம்மா அவர்களின் 70வது பிறந்தநாள் விழாவினை முன்னிட்டு கழக அம்மா பேரவை சார்பில் வரும் மார்ச் 30-ம் தேதி மதுரை பாண்டி கோவில் அருகிலுள்ள அம்மா திடலில் ஏழை,எளிய குடும்பங்களைச் சேர்ந்த 70 ஜோடிகளுக்கு 70 சீர்வரிசைப் பொருட்களுடன் திருமணவிழா சீரும் சிறப்புமாக நடைபெறவுள்ளது.இதையடுத்து தமிழக வருவாய் மற்றும் பேரிடர் மேலாண்மைத்துறை அமைச்சரும்,கழக அம்மா பேரவைச் செயலாளருமான ஆர்.பி.உதயகுமார் திருமங்கலம் தொகுதிக்கு உட்பட்ட கள்ளிக்குடி ஒன்றியத்தில் கிராமம் கிராமமாகச் சென்று பொதுமக்களை நேரில் சந்தித்து திருமண அழைப்பிதழ்களை வழங்கி அனைவரும் திருமண விழாவில் கலந்து கொள்ளுமாறு  அழைப்பு விடுத்தார்.
மறைந்த தமிழக முதல்வர் அம்மா அவர்களின் 70வது பிறந்தநாள் விழாவினை முன்னிட்டு கழக புரட்சித்தலைவி அம்மா பேரவையின் சார்பில் வரும் 30-ம் தேதி மதுரை பாண்டி கோவில் அருகிலுள்ள அம்மா திடலில் ஏழை எளிய குடும்பங்களைச் சேர்ந்த 70 ஜோடிகளுக்கு 70 சீர்வரிசைப் பொருட்களுடன் திருமணவிழா வெகு சிறப்புடன் நடைபெறவுள்ளது. ஒருலட்சத்திற்கும் மேற்பட்டோர் கலந்து கொண்டு சிறப்பிக்கவுள்ள இந்த திருமணவிழா கழக அம்மா பேரவை செயலாளரும்,வருவாய் மற்றும் பேரிடர் மேலாண்மைத்துறை அமைச்சருமான ஆர்.பி.உதயகுமார் தலைமையில் நடைபெறுகிறது.தலைமைக் கழக நிர்வாகிகள்,சட்டமன்ற,நாடாளுமன்ற உறுப்பினர்கள்,மாவட்ட கழகச் செயலாளர்கள், அனைத்து சார்புஅணி நிர்வாகிகள்,கூட்டுறவு சங்க நிர்வாகிகள்,கழக முன்னோடிகள் மற்றும் கழக உடன்பிறப்புகள் பங்கேற்றிடும் இந்த திருமணவிழாவில் கழக ஒருங்கிணைப்பாளரும், தமிழ்நாடு துணை முதலமைச்சருமான ஓ.பன்னீர்செல்வம்,கழக இணை ஒருங்கிணைப் பாளரும்,தமிழக முதலமைச்சருமான எடப்பாடி.கே.பழனிசாமி ஆகியோர் கலந்து கொண்டு அம்மாவின் திருப்பெயரால் ஏழை எளிய குடும்பங்களைச் சேர்ந்த 70ஜோடிகளின் திருமணத்தை நடத்தி வைப்பதுடன் 70வகையான சீர்வரிசைப் பொருட்களை வழங்கி வாழ்த்துகிறார்கள்.மேலும் திருமணவிழாவில் கலந்து கொள்ளும் ஒருலட்சத்திற்கும் மேற்பட்டோருக்கு அறுசுவை விருந்து வழங்கப்படுகிறது.
இதையடுத்து கழக அம்மா பேரவையின் சார்பில் நடைபெறவுள்ள இந்த திருமணவிழாவிற்கான அழைப்பிதழ்களை திருமங்கலம் தொகுதி பொதுமக்களுக்கு வழங்கிடும் நிகழ்ச்சி நேற்று காலை கள்ளிக்குடி ஒன்றியத்திலுள்ள செங்கப்படை கிராமத்தில் சிறப்புடன் தொடங்கியது.இதையொட்டி முதலாவதாக செங்கப்படையில் நடைபெற்ற அழைப்பிதழ் வழங்கும் நிகழச்சியில் தமிழக வருவாய் மற்றும் பேரிடர் மேலாண்மைத்துறை அமைச்சரும்,கழக அம்மா பேரவை செயலாளருமான ஆர்.பி.உதயகுமார் கலந்து கொண்டு 70ஜோடிகளுக்கான திருமணவிழாவிற்கான அழைப்பிதழ்களை பொதுமக்களுக்கு வழங்கினார்.இதனை தொடர்ந்து கள்ளிக்குடி ஒன்றியத்திற்கு உட்பட்ட கரிசல்காளம்பட்டி,நேசநேரி,சிவரக்கோட்டை,அரசபட்டி,வீரப்பெருமாள்புரம்,வலையங்குளம்,தூம்பக்குளம்,கல்லணை,நெடுங்குளம்,உலகாணி,மேலஉப்பிலிக்குண்டு,கூடக்கோவில்,டி.கொக்குளம்,திருமால்,மருதங்குடி,எஸ்.வெள்ளாகுளம்,வேப்பங்குளம்,குராயூர்,பேய்க்குளம்,உன்னிபட்டி,ஆவல்சூரன்பட்டி,நல்லமநாயக்கன்பட்டி,மையிட்டான்பட்டி,கே.வெள்ளாகுளம்,தென்னமநல்லூர்,சித்தூர்,எம்.புளியங்குளம்,போத்தநதி,புதுப்பட்டி,வில்லூர்,அகத்தாபட்டி,ஓடைப்பட்டி,எஸ்.பி.நத்தம் என அனைத்து பகுதிகளிலும் கிராமம்,கிராமமாகச் சென்ற அமைச்சர் ஆர்.பி.உதயகுமார் பொதுமக்களை நேரில் சந்தித்து 70 ஜோடிகளுக்கு 70 சீர்வரிசைப் பொருட்களுடன் நடைபெறவுள்ள திருமணவிழாவிற்கான அழைப்பிதழை வழங்கி திருமணவிழாவில் கலந்து கொள்ளுமாறு அன்புடன் அழைப்பு விடுத்தார்.முன்னதாக அழைப்பிதழ் வழங்குவதற்காக கிராமங்களுக்கு வருகை புரிந்த அமைச்சர் ஆர்.பி.உதயகுமாருக்கு ஏராளமான பெண்கள் திரண்டு வந்து ஆரத்தி எடுத்தும் குலவையிட்டும் சிறப்பான வரவேற்பு கொடுத்தனர்.
இந்நிகழ்ச்சிகளில் சோழவந்தான் சட்டமன்ற உறுப்பினர் மாணிக்கம்,முன்னாள் எம்.எல்.ஏ.,கே.தமிழரசன்,மதுரை புறநகர் மாவட்ட கழக துணைச் செயலாளர் அய்யப்பன்,மாவட்ட இலக்கிய அணிச் செயலாளர் திருப்பதி, கள்ளிக்குடி ஒன்றிய கழகச் செயலாளர் உலகாணி.எம்.கே.மகாலிங்கம்,ஒன்றிய கழகச் செயலாளர்கள் அன்பழகன்,ராமசாமி,முன்னாள் திருமங்கலம் யூனியன் சேர்மன் தமிழழகன், மாவட்ட எம்.ஜி.ஆர் மன்ற இணைச் செயலாளர் ஆண்டிச்சாமி,முன்னாள் யூனியன் துணைச் சேர்மன்கள் பாவடியான்,கண்ணன்,முன்னாள் மாவட்ட கவுன்சிலர்பிரபுசங்கர்,பேரூர் கழகச் செயலாளர்கள் நெடுமாறன்,பாலசுப்பிரமணியன்,கட்சி நிர்வாகிகள் வேல்ராமகிருஷ்ணன், வேல்பாண்டி,அழகர்,சரவணன்,முருகன்,ரவி,பத்மநாபன்,அன்னமுத்து,ராஜா உள்ளிட்ட பலர் கலந்து கொண்டனர்.