தேர்தல் பிரச்சாரங்களில் எங்கள் பாடலை பயன்படுத்தக்கூடாது: அதிபர் டிரம்புக்கு பிரிட்டிஷ் இசைக்குழு எச்சரிக்கை

வாஷிங்டன் : தேர்தல் பிரச்சாரங்களில் அமெரிக்க அதிபர் டிரம்ப் தொடர்ந்து எங்கள் பாடல்களைப் பயன்படுத்தினால் சட்டப்படி நடவடிக்கையை எதிர்கொள்ள வேண்டி வரும் என்று பிரபல பிரிட்டிஷ் இசைக்குழுவான ரோலிங் ஸ்டோன்ஸ் எச்சரிக்கை விடுத்துள்ளது. 

இது குறித்து ரோலிங் ஸ்டோன்ஸ் இசைக்குழு வெளியிட்டுள்ள அறிக்கையில் கூறப்பட்டுள்ளதாவது:-

அனுமதியின்றி எங்கள் குழுவினரின் பாடல்களை டிரம்ப் தனது பிரச்சாரத்தில் பயன்படுத்தி வருவதாக தெரியவந்துள்ளது. அதிபர் டிரம்ப் தொடர்ந்து எங்கள் பாடல்களை அனுமதியின்றி பயன்படுத்தினால், சட்டரீதியான நடவடிக்கையை எதிர்கொள்ள வேண்டியிருக்கும்.  எங்களிடமிருந்து எந்தவித அனுமதியும் பெறாமல் எங்கள் பாடல்களை டிரம்ப் பயன்படுத்தி வருகிறார். வெறுப்புப் பிரச்சாரங்களில் எங்கள் பாடல்கள் பயன்படுத்தப்படுவதை நாங்கள் விரும்பவில்லை. இவ்வாறு அந்த அறிக்கையில் கூறப்பட்டுள்ளது. 

ரோலிங் ஸ்டோன்ஸ் குழுவினரின் மிகவும் பிரபலமான யூ ஆண்ட் ஆல்வேஸ் கெட் வாட் யூ வான்ட் என்ற பாடல் டிரம்ப்பின் தேர்தல் பிரச்சாரங்களில் பயன்படுத்தப்படும். ஏற்கெனவே 2016-ம் ஆண்டு தேர்தல் பிரச்சாரத்தின் போது தங்கள் பாடலை டிரம்ப் பயன்படுத்தியதற்கு ரோலிங் ஸ்டோன்ஸ் குழு கடும் எதிர்ப்பைத் தெரிவித்திருந்தது குறிப்பிடத்தக்கது.