பிரதமர் மோடிக்கு நடிகர்கள் ரஜினி, கமல்ஹாசன் பிறந்த நாள் வாழ்த்து

சென்னை : பிரதமர் மோடிக்கு நடிகர்கள் ரஜினிகாந்த், கமல்ஹாசன் ஆகியோர் பிறந்த நாள் வாழ்த்துக்களை தெரிவித்துள்ளனர். 

குஜராத் முதல்வராக நான்கு முறையும், நாட்டின் பிரதமராக 3-வது முறையும் தேர்ந்தெடுக்கப்பட்டுள்ள நரேந்திர மோடி நேற்று தனது 74-வது பிறந்த நாளை கொண்டாடினார். இதனையொட்டி அரசியல் கட்சித்தலைவர்கள், மாநில முதல்வர்கள், மாநில கவர்னர்கள், மத்திய அமைச்சர்கள், நாடாளுமன்ற உறுப்பினர்கள், திரைப்பிரபலங்கள், விளையாட்டு வீரர்கள் என பலரும் அவருக்கு வாழ்த்துகளை தெரிவித்து வருகின்றனர்.

இந்த நிலையில், பிரதமர் மோடியின் பிறந்த நாளையொட்டி அவருக்கு நடிகர்கள் ரஜினிகாந்த், கமல்ஹாசன் வாழ்த்து தெரிவித்துள்ளனர். இது தொடர்பாக ரஜினிகாந்த் தனது டுவிட்டர் பக்கத்தில் பதிவிட்டுள்ளதாவது, 

நமது மரியாதைக்குரிய பிரதமர் நரேந்திரமோடிக்கு பிறந்தநாள் வாழ்த்துக்கள், எப்போதும் நல்ல ஆரோக்கியத்துடனும் மகிழ்ச்சியுடனும் இருக்க இறைவனை பிரார்த்திக்கிறேன் என்று தெரிவித்துள்ளார். 

நடிகர் கமல்ஹாசன் வெளியிட்டுள்ள பதிவில், நமது பிரதமர் நரேந்திர மோடிக்கு எனது மனமார்ந்த பிறந்தநாள் வாழ்த்துக்கள். நீங்கள் நீண்ட ஆயுளுடனும் ஆரோக்கியத்துடனும் இருக்க வேண்டும் என்று தெரிவித்துள்ளார்.