முக்கிய செய்திகள்
Idhayam Matrimony

2 நாட்கள் அரசு முறை பயணம்: பிரதமர் நரேந்திர மோடிக்கு குவைத்தில் உற்சாக வரவேற்பு

சனிக்கிழமை, 21 டிசம்பர் 2024      இந்தியா
Modi 2024-12-1

Source: provided

புதுடெல்லி: பிரதமர் நரேந்திர மோடி  2 நாள் பயணமாக குவைத் புறப்பட்டார். குவைத் சென்றடைந்த அவருக்கு அங்கு உற்சாக வரவேற்பு அளிக்கப்பட்டது. 43 ஆண்டுகளில் இந்திய பிரதமர் ஒருவர் குவைத் செல்வது இதுவே முதல்முறை.

முன்னதாக குவைத் பயணம் குறித்து பிரதமர் மோடி வெளியிட்ட அறிக்கையில், “குவைத் நாட்டின் அமீர் ஷேக் மெஷல் அல்-அஹ்மத் அல்-ஜாபர் அல்-சபாஹ் அவர்களின் அழைப்பின் பேரில் இரண்டு நாள் பயணமாக குவைத் செல்கிறேன். குவைத்துடன் பல தலைமுறைகளாகப் பேணி வரும் வரலாற்றுத் தொடர்பை நாங்கள் ஆழமாக மதிக்கிறோம். இந்தியாவும் குவைத்தும் வலுவான வர்த்தகம் மற்றும் எரிசக்தி கூட்டாளிகள் மட்டுமல்ல. மேற்கு ஆசிய பிராந்தியத்தில் அமைதி, பாதுகாப்பு, ஸ்திரத்தன்மை மற்றும் செழிப்பு ஆகியவற்றில் ஆர்வத்தை பகிர்ந்து கொண்டுள்ளோம்.

குவைத்தின் அமிர், பட்டத்து இளவரசர் மற்றும் பிரதமருடனான எனது சந்திப்புகளை எதிர்பார்க்கிறேன். நமது மக்கள் மற்றும் நமது பிராந்தியத்தின் நலனுக்கு ஏற்ற எதிர்கால திட்டங்களுக்கான வரைபடத்தை உருவாக்க இது ஒரு வாய்ப்பாக இருக்கும். இரு நாடுகளுக்கு இடையேயான நட்புறவை வலுப்படுத்துவதில் பெரும் பங்காற்றிய குவைத்தில் உள்ள புலம்பெயர்ந்த இந்தியர்களை சந்திக்க ஆவலுடன் காத்திருக்கிறேன்.

வளைகுடா பிராந்தியத்தில் முதன்மையான விளையாட்டு நிகழ்வான அரேபியன் வளைகுடா கோப்பையின் தொடக்க விழாவுக்கு என்னை அழைத்ததற்காக குவைத் தலைமைக்கு எனது நன்றியைத் தெரிவித்துக் கொள்கிறேன். தடகள சிறப்பையும் பிராந்திய ஒற்றுமையையும் கொண்டாடும் இந்த கொண்டாட்டத்தின் ஒரு பகுதியாக இருப்பதை நான் எதிர்நோக்குகிறேன். இந்த பயணம் இந்தியா மற்றும் குவைத் மக்களுக்கு இடையேயான சிறப்பான உறவுகளையும் நட்புறவையும் மேலும் வலுப்படுத்தும் என்று நான் நம்புகிறேன்." என தெரிவித்துள்ளார்.

சிரியாவில் அதிபர் பஷர் அல்-ஆசாத்தின் ஆட்சி இரண்டு வாரங்களுக்கு முன்பு கவிழ்ந்தது. இதேபோல், காசாவில் இஸ்ரேல் தொடர்ந்து தாக்குதல்களை நடத்தி வருகிறது. இந்த பின்னணியில் பிரதமர் மோடியின் குவைத் பயணம் முக்கியத்துவம் வாய்ந்ததாகப் பார்க்கப்படுகிறது. கடைசியாக பிரதமர் இந்திரா காந்தி 1981-ல் குவைத் சென்றார். அதன் பிறகு அந்நாட்டுக்குச் செல்லும் முதல் பிரதமர் நரேந்திர மோடி என்பது குறிப்பிடத்தக்கது. இதற்கிடையே குவைத் சென்றடைந்த பிரதமர் மோடிக்கு அங்கு உற்சாக வரவேற்பு அளிக்கப்பட்டது. 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 8 months 2 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 8 months 2 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 9 months 2 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 9 months 2 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 11 months 2 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 11 months 2 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.