ஒரே நாளில் தங்கம் பவுனுக்கு ரூ.440 குறைந்தது..!

சென்னை, டிச.20 - தங்கம் விலை ஒரே நாளில் பவுனுக்கு ரூ.440 குறைந்தது. கடந்த சில நாட்களாக தங்கம் விலையில் நிலையற்ற தன்மை இருந்து வருகிறது. விலை ஏறுவதும், இறங்குவதுமாக உள்ளது. கடந்த 2 நாட்களுக்கு முன் ஒரு பவுன் ரூ.23 ஆயிரத்து 288 ஆக இருந்தது. நேற்று முன்தினம் ரூ.224 அதிகரித்து ஒரு பவுன் ரூ.23 ஆயிரத்து 512 ஆக விற்றது. நேற்று ஒரே நாளில் தங்கம் விலை பவுனுக்கு ரூ.440 அதிரடியாக குறைந்தது. ஒரு பவுன் ரூ.23 ஆயிரத்து 72 ஆக உள்ளது. ஒரு கிராம் ரூ.2,884​க்கு விற்கிறது.

தங்கத்தை போன்றே வெள்ளியின் விலையும் கிலோவுக்கு ரூ.1,735 சரிந்துள்ளது. ஒரு கிலோ ரூ.59 ஆயிரத்து 950 ஆகவும், ஒரு கிராம் ரூ.64.10 ஆகவும் உள்ளது.