2018-ம் ஆண்டின் பிரபலமான வார்த்தை: கேம்பிரிட்ஜ் டிக்சனரி வெளியிட்டது

கேம்பிரிட்ஜ் : 2018-ம் ஆண்டின் பிரபலமான வார்த்தையை கேம்பிரிட்ஜ் டிக்சனரி வெளியிட்டுள்ளது. அந்த வார்த்தையின் பெயர் நோமோபோபியா என்பதாகும்.

இந்த வார்த்தைக்கான அர்த்தம் இதுதான் - செல்போன் கையில் இல்லாமல் போனாலோ அல்லது செல்போனில் சார்ஜ் தீர்ந்து விட்டாலோ அல்லது செல்போனை பயன்படுத்த முடியாமல் அது ஸ்ட்ரக்காகி விட்டாலோ அல்லது சிக்னல் கிடைக்கா விட்டாலோ வரும் பயம்தான் நோமோபோபியா.

நோ மொபைல் போன் போபியா என்பதன் சுருக்கமே இந்த வார்த்தையின் விரிவாக்கமாம். கேம்பிரிட்ஜ் டிக்சனரி தனது பிளாக் வாசகர்களிடமும், சமூக வலைதளங்கள் மூலமாகவும் இந்த ஆண்டின் சிறந்த வார்த்தையை தேர்வு செய்யுமாறு கேட்டுக் கொண்டிருந்தது. அதன் இறுதியில் பல வார்த்தைகளைப் பரிசீலித்து அதிக ஆதரவைப் பெற்ற நோமோபோபியா என்ற வார்த்தையை இந்த ஆண்டின் வார்த்தையாக கேம்பிரிட்ஜ் தேர்வு செய்துள்ளது.

நோமோபோபியாவுடன் போட்டியில் இருந்த மற்ற 3 வார்த்தைகள் ஜென்டர் கேப், ஈகோசைட் மற்றும் நோ பிளாட்பார்மிங் என்பதாகும். ஈகோசைட் என்பது சுற்றுச்சூழல் அழிவு என்பதைக் குறிக்கும் வார்த்தை. கிட்டத்தட்ட சூசைட் போன்ற அர்த்தம். நோ பிளாட்பார்மிங் என்பது, ஒவரது சிந்தனை அல்லது யோசனையை செயல்படுத்தவோ அல்லது ஏற்கனவோ இடம் கொடுக்காமையை குறிக்கும் வார்த்தையாகும்.