ஐ.ஐ.எம். கல்வி நிறுவனத்திற்கு வெடிகுண்டு மிரட்டல்

பெங்களூர், மே. 24 - பெங்களூரில் உள்ள ஐ.ஐ.எம் கல்வி நிறுவனத்திற்கு போன் மூலம் வெடிகுண்டு மிரட்டல் விடுக்கப்பட்டுள்ளது என்று தகவல்கள் கிடைத்துள்ளன. பெங்களூர் பன்னரகட்டா ரோட்டில் உள்ளது பிரபல கல்வி நிறுவனமான ஐ.ஐ.எம். (இந்தியன் இன்ஸ்டிடியூட் ஆப் மேனேஜ்மென்ட்). அந்த கல்வி நிறுவனத்திற்கு நேற்று தொலைபேசி மூலம் வெடிகுண்டு மிரட்டல் விடுக்கப்பட்டுள்ளது. இதையடுத்து கல்லூரிக்கு வெடிகுண்டு நிபுணர்கள் வரவழைக்கப்பட்டுள்ளனர் என்று கூறப்படுகிறது. அவர்கள் கல்லூரி வளாகத்தில் வெடிகுண்டு எதுவும் உள்ளதா என்று தேடுதல் வேட்டை நடத்தினர். இது குறித்து தகவல் அறிந்த போலீசாரும் கல்லாரிக்கு சென்று விசாரணை நடத்தினர்.  நாட்டில் உள்ள பிசினஸ் ஸ்கூல்களில் ஐ.ஐ.எம். பெங்களூரும் பிரபலமானது என்பது குறிப்பிடத்தக்கது.