நீல நிற சூரியன் – விமர்சனம்

ஆணாக பிறந்தாலும் ஹார்மோன் மாற்றத்தால் பெண்ணாக மாறுபர்களை பெண்ணாக அங்கீகரிப்பதில்லை. அப்படி ஒரு சூழலுக்கு தள்ளப்படும் கதையின் நாயகனான அரவிந்த், பானுவாக மாற்றம் அடைந்த போது ஏற்பட்ட வலியை நமது இதயமும் கணக்கும் படி சொல்கிறது இந்த ‘நீல நிற சூரியன்’ படம். அரவிந்த மற்றும் பானு என்ற கதாபாத்திரங்களில் நடித்திருக்கும் சம்யுக்தா விஜயன், முதன்மை வேடத்தில் நடித்ததுடன், படத்தை இயக்கவும் செய்திருக்கிறார்.

பானுவாக மாறிய போது இந்த சமூகத்தின் பார்வையை எப்படி கடக்க வேண்டும் என்பதை தனது இயல்பான நடிப்பு மூலம் வெளிக்காட்டியிருக்கிறார். கிட்டி, கஜராஜ், கீதா கைலாசம், பிரசன்னா பாலச்சந்திரன் உள்ளிட்ட பலர் தங்களின் இயல்பான நடிப்பைக் கொடுத்துள்ளனர். ஒளிப்பதிவு, இசை படத்தொகுப்பு பணிகளை கவனித்துள்ள ஸ்டீவ் பெஞ்சமினின் பணி படத்திற்கு பெரும் பலம் சேர்த்துள்ளது. 

மொத்தத்தில் இந்த நீல நிற சூரியன் நன்றாக பிரகாசிக்கிறது