மணிப்பூரில் தொடர் பதற்றம்: அசாம் சென்றார் கவர்னர் லக்ஷமண் பிரசாத் ஆச்சார்யா

இம்பால் : மணிப்பூரில் நிகழ்ந்துவரும் அமைதியின்மையைத் தொடர்ந்து அந்த மாநில கவர்னர் லக்ஷமண் பிரசாத் ஆச்சார்யா இம்பாலில் இருந்து அஸ்ஸாமின் குவகாத்திக்கு புறப்பட்டு சென்றதாக அதிகாரிகள் தெரிவித்தனர்.

மணிப்பூரில் தொடர்ந்து பதற்றம் நிலவி வருவதையடுத்து, மணிப்பூர் பல்லைக்கழகம் முதுகலை மற்றும் இளங்கலை தேர்வுகள் அனைத்தும் மறு உத்தரவு வரும் வரை ஒத்திவைத்துள்ளது.

மேலும் மணிப்பூரின் கூடுதல் பொறுப்பிலிருந்த ஆச்சார்யா, நேற்று காலை 10 மணியளவில் மாநிலத்திலிருந்து அஸ்ஸாம் குவகாத்திக்கு புறப்பட்டுச் சென்றுள்ளதாக அதிகாரிகள் தெரிவித்தனர். செவ்வாயன்று நடைபெற்ற கவர்னர் மாளிகை அருகே நடைபெற்ற மோதலில் 55-க்கு மேற்பட்ட மாணவர்கள் மற்றும் பாதுகாப்புப் படையினர் சிறு காயங்கள் ஏற்பட்டதாக தகவல்கள் வெளியாகியுள்ளது.