அரசியல் சாசனத்தை பாதுகாப்பதே முதன்மையான போராட்டமாக உள்ளது : பிரச்சார பொதுக்கூட்டத்தில் ராகுல் காந்தி பேச்சு

ஞாயிற்றுக்கிழமை, 3 நவம்பர் 2024 இந்தியா

அ+ அ-

Source: provided

வயநாடு : இன்றைய நாளில் அரசியல் சாசனத்தை பாதுகாப்பதே முதன்மையான போராட்டமாக உள்ளது என்று வயநாடு பாராளுமன்ற தொகுதியில் நடந்த பிரச்சார பொதுக்கூட்டத்தில் ராகுல் காந்தி கூறினார்.

வயநாடு நாடாளுமன்ற தொகுதிக்கு வருகிற 13-ம் தேதி இடைத்தேர்தல் நடக்கிறது. இந்த இடைத்தேர்தலில் காங்கிரஸ் வேட்பாளராக பிரியங்கா காந்தி போட்டியிடுகிறார். இதற்காக அவர் கடந்த மாதம் 23-ம் தேதி வேட்புமனு தாக்கல் செய்தார். தொடர்ந்து கடந்த மாதம் 28, 29-ம் தேதி என 2 நாட்கள் பிரியங்கா காந்தி தேர்தல் பிரச்சாரம் செய்தார்.

இந்த நிலையில் வயநாடு நாடாளுமன்ற தொகுதியில் தேர்தல் பிரச்சாரம் செய்வதற்காக ராகுல் காந்தி தனி ஹெலிகாப்டர் மூலமாக நேற்று பிற்பகல் வயநாட்டுக்கு வருகை தந்தார். மானந்தவாடி அருகே காந்தி பார்க் பகுதியில் நடைபெற்ற பொதுக்கூட்டத்தில் கலந்து கொண்ட ராகுல்காந்தி பேசியதாவது:-

பிரியங்கா காந்தியை சகோதரியாக பெற்றதற்கு நான் அதிர்ஷ்டசாலி. இப்போது, அவளை சகோதரியாக பெற்ற நீங்களும் அதிர்ஷ்டசாலிகள் தான். அவர் உங்கள் சகோதரியைப் போல, உங்கள் தாயைப் போல, உங்கள் மகளைப் போல இருக்கப் போகிறார்.

எனவே உங்களால் பெறக்கூடிய சிறந்த எம்.பி., இப்போது உங்களிடம் இருக்கிறார் என்று நான் நம்புகிறேன். இன்றைய நாளில் அரசியல் சாசனத்தை பாதுகாப்பதே முதன்மையான போராட்டமாக உள்ளது. நாட்டின் அரசியல் சாசனம் கோபத்துடனோ, வெறுப்புடனோ எழுதப்படவில்லை. ஆங்கிலேயர்களை எதிர்த்துப் போராடியவர்கள், துன்பப்பட்டவர்கள், ஆண்டுக்கணக்கில் சிறைவாசம் அனுபவித்தவர்கள் எழுதியது.

மேலும் அவர்கள் அரசியலமைப்பை பணிவுடன், அன்புடன், பாசத்துடன் எழுதி உள்ளார்கள். இப்போது நடக்கும் போராட்டம் நம்பிக்கைக்கும் பாதுகாப்பின்மைக்கும் இடையிலானது ஆகும் என்றார்.

தொடர்ந்து பேசிய பிரியங்கா காந்தி,மோடிஜியின் அரசு அவரது பெரிய தொழிலதிபர் நண்பர்களுக்காக மட்டுமே இயங்குகிறது. அவருடைய நோக்கம், உங்களுக்கு ஒரு சிறந்த வாழ்க்கையைத் தருவது அல்ல. படித்த உங்கள் இளைஞருக்குப் புதிய வேலைகளைத் தருவது அல்ல. ஒரு சிறந்த சுகாதாரம் அல்லது கல்வியை வழங்குவதற்காக அல்ல என்றார்.

சுல்தான்பத்தேரி சட்டமன்ற தொகுதிக்கு உட்பட்ட கோணிச்சீரா பகுதியில் இன்று மாலை நடைபெறும் பொதுக்கூட்டத்தில் பிரியங்கா கலந்துகொண்டு பேசுகிறார். நாளை (செவ்வாய்க்கிழமை) குடரங்கி பகுதியில் நடக்கும் பொதுக்கூட்டத்தில் பிரியங்கா காந்தி பங்கேற்கிறார். தொடர்ந்து காலை 11.30 மணியளவில் நடைபெறும் வாகன அணிவகுப்பில் பிரியங்கா காந்தி கலந்து கொள்கிறார்.

இதை ஷேர் செய்திடுங்கள்:

உங்கள் சரியான வாழ்க்கை துணையை தேர்ந்தெடுக்க இதயம் மேட்ரிமோனி - பதிவு இலவசம்

சினிமா நடிகர், நடிகைகளின் புகைப்படங்கள்

சித்த மருத்துவ குறிப்புக்கள்

மூளை பலம் பெற \| ஞாபக சக்தி பெருக \| மூளை சுறுசுறுப்பாக \| சுறுசுறுப்பு பெற - சித்த மருத்துவ குறிப்புக்கள் 4 months 1 week ago	புண்கள் குணமாக \| ஆறாத புண்களை ஆற்ற \| சிராய்ப்பு புண் \| மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 4 months 1 week ago	வாந்தி நிற்க \| கர்ப்பகால வாந்திக்கு, குமட்டல், பித்த வாந்தி 5 months 1 week ago
இரத்த வாந்தி மற்றும் வயிற்று வலி குணமாக \| கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 5 months 1 week ago	மூட்டு வலி குணமாக 7 எளிய வீட்டு வைத்தியம் \| இடுப்பு வலி குணமாக \| தவிற்கணவேண்டிய உணவுகள் 7 months 1 week ago	வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் \| பழங்கள் மற்றும் உணவு முறை 7 months 1 week ago

வீடியோ

தோல் நோய் பிரச்சனைகள் வராமல் தடுப்பது எப்படி?	50 பில்லியன் டாலர் மதிப்பில் சவுதியில் உருவாகும் பிரமாண்ட கட்டிடம்	கல்லிரல் மண்ணீரலை பலப்படுத்துவது எப்படி.
வயிற்று பொருமல் மற்றும் வாயு தொல்லை குணமாக இயற்கை மருத்துவம்.	வாந்தி குமட்டலை தடுப்பது எப்படி	முடி உதிர்வதை தடுத்து அடர்த்தியாக முடி வளரவைக்கும் எண்ணெய்

View all comments

வாசகர் கருத்து