தங்கம், பவுனுக்கு ரூ.160 குறைந்தது

சென்னை - தங்கம் விலை பவுனுக்கு ரூ.160  குறைந்துள்ளது. வெள்ளி விலையும் குறைந்துள்ளது.
சில நாட்களாக தங்கம் விலை ஏற்ற இறக்கத்துடன் இருந்து வருகிறது. கடந்த 23-ம் தேதி ஒரு பவுன் ரூ.20 ஆயிரத்து 80-ஆக இருந்தது. பின்னர் படிப்படியாக உயர்ந்து நேற்று முன் தினம் ரூ.20 ஆயிரத்து 312 ஆக விற்றது. இந்நிலையில் நேற்று ஒரே நாளில் பவுனுக்கு ரூ.160 குறைந்துள்ளது. ஒரு பவுன் ரூ.20 ஆயிரத்து 152-ஆக உள்ளது. கிராமுக்கு ரூ.20 குறைந்து ரூ.2,519க்கு விற்கிறது. சர்வதேச சந்தை விலையில் சரிவு ஏற்பட்டதால் தங்கம் விலை குறைந்ததாக கூறப்படுகிறது.
வெள்ளியும் கிலோவுக்கு ரூ.465 குறைந்துள்ளது. ஒரு கிலோ ரூ.36 ஆயிரத்து 950 ஆகவும், ஒரு கிராம் ரூ.39.50 ஆகவும் உள்ளது.