10 ஆண்டுகளுக்கு பிறகு காஷ்மீர் சட்டசபைக்கு இன்று முதல்கட்ட தேர்தல்

ஜம்மு : காஷ்மீர் சட்டசபைக்கு 10 ஆண்டுகளுக்கு பிறகு இன்று முதற்கட்ட தேர்தல் நடைபெற உள்ளது. முதற்கட்டமாக 24 தொகுதிகளில் இன்று வாக்குப்பதிவு நடைபெற உள்ளது.

காஷ்மீர் சட்டசபைக்கு கடைசியாக 2014-ம் ஆண்டு தேர்தல் நடத்தப்பட்டது. அதன் பிறகு தற்போதுதான் தேர்தல் நடைபெற உள்ளது. இன்று 18-ம் தேதி, வரும் 25-ம் தேதி மற்றும் அக்டோபர் 1-ம் தேதி ஆகிய தேதிகளில் மூன்று கட்டங்களாக தேர்தல் நடைபெற உள்ளது. 

அக்டோபர் 8-ம் தேதி வாக்கு எண்ணிக்கை நடைபெற உள்ளது. காஷ்மீரில் உள்ள 90 தொகுதிகளில் 74 பொதுத் தொகுதிகள், பட்டியில் பிரிவினருக்கான தனித்தொகுதி 7, பட்டியல் – பழங்குடிகளுக்கானது காஷ்மீரில் மொத்தம் 87.09 லட்சம் வாக்காளர்கள் உள்ளனர். 

முதற்கட்டமாக 24 தொகுதிகளுக்கு இன்று வாக்குப்பதிவு நடைபெற உள்ளது. அங்கு நேற்று முன்தினம் மாலை 5 மணியுடன் தேர்தல் பிரசாரம் ஓய்ந்நது. முதல் கட்ட தேர்தலில் சுமார் 23 லட்சத்து 27 ஆயிரம் வாக்காளர்கள் தங்கள் வாக்குரிமையை செலுத்த உள்ளனர்.

தேர்தல் ஆணையம் 125 வாக்குச்சாவடிகளை அமைத்துள்ளது. அனைத்து இடங்களிலும் பாதுகாப்பு பலப்படுத்தப்பட்டுள்ளது. பா.ஜ.க, காங்கிரஸ் – தேசிய மாநாட்டு கட்சி கூட்டணி பெரும்பாலான இடங்களில் போட்டியிட்டுள்ளது.

ஜம்மு-காஷ்மீரை சேர்ந்த மக்களவை எம்.பி.யான இன்ஜினியர் ரஷீத் தலைமையிலான அவாமி இதிஹாத் கட்சியுடன் (ஏ.ஐ.பி) கூட்டணி அமைத்து ஜமாத்-இ-இஸ்லாமி (ஜே.இ.ஐ.) அமைப்பின் முன்னாள் உறுப்பினர்கள் போட்டியிடவுள்ளனர்.