உள்துறை அமைச்சர் அமித்ஷா 5-ம் தேதி தென்காசி வருகை

தென்காசி : தமிழகத்தில் பாராளுமன்ற தேர்தல் வருகிற 19-ம் தேதி நடைபெறுகிறது. இதனை ஒட்டி அரசியல் கட்சியினர் தீவிர பிரசாரத்தில் ஈடுபட்டு வருகின்றனர். தமிழகத்தில்  போட்டியிடும் பா.ஜ.க. மற்றும் அதன் கூட்டணி கட்சி வேட்பாளர்களை ஆதரித்து பிரதமர் மோடி பிரச்சாரம் மேற்கொண்டார். 

இதைத்தொடர்ந்து மத்திய உள்துறை அமைச்சர் அமித்ஷா தென்காசி பாராளுமன்ற தொகுதியில் வருகிற 5-ம் தேதி பிரசாரம் மேற்கொள்ள உள்ளதாக தகவல் வெளியாகி உள்ளது. இதற்காக அவர் ஹெலிகாப்டர் மூலமாக தென்காசி அருகே இலஞ்சியில் உள்ள ராமசாமி பிள்ளை பள்ளியில் வந்து இறங்குகிறார்.

பின்னர் அவர் ஆசாத் நகரில் இருந்து தென்காசி புதிய பஸ் நிலையம் வரை திறந்தவெளி வாகனத்தில் பிரச்சாரம் மேற்கொள்கிறார் என தென்காசி மாவட்ட பா.ஜ.க. நிர்வாகிகள் தெரிவித்துள்ளனர்.

உள்துறை அமைச்சர் அமித்ஷா வருகையையொட்டி அவர் வந்து செல்லும் பகுதிகளில் தென்காசி மாவட்ட காவல்துறையினர் ஆய்வு பணிகளை மேற்கொண்டு வருகின்றனர்.