எதிர்பார்ப்பை ஏற்படுத்தியுள்ள அமரன்

ராஜ்குமார் பெரியசாமி இயக்கத்தில் கமலின் தயாரிப்பில் உருவான திரைப்படம் அமரன். தீபாவளி பண்டிகையை முன்னிட்டு நாளை மறுநாள்  வெளியாகவுள்ள இப்படம் ராணுவ வீரர் முகுந்த் வரதராஜனின் வாழ்க்கை வரலாற்று திரைப்படமாக உருவாகியுள்ளது.

இதுவரை இப்படத்திலிருந்து வெளியான ட்ரைலர் மற்றும் பாடல்கள் அனைத்தும் ரசிகர்கள் மத்தியில் மிகப்பெரிய வரவேற்பை பெற்றுள்ளது. இதன் காரணமாக படத்திற்கு எதிர்பார்ப்பும் அதிகரித்திருக்கிறது. குறிப்பாக அமரன் படத்திற்காக சிவகார்த்திகேயன் தன்னை முழுமையாக மாற்றியுள்ளார். அவரின் உடல் மொழியிலும் வசன உச்சரிப்பிலும் மிகப்பெரிய மாற்றங்கள் தெரிகின்றது. இப்படம் சிவகார்த்திகேயனின் திரைவாழ்க்கையில் மிக முக்கிய படமாக இருக்கும் என்று கூறப்படுகிறது.

இந்நிலையில் அமரன் படத்தின் ப்ரோமோஷன் நிகழ்ச்சி ஒன்றில் பேசிய, சாய் பல்லவி சூரியாவுக்கு எப்படி காக்க காக்க திரைப்படம் அமைந்ததோ அதுபோல சிவகார்த்திகேயனுக்கு அமரன் படம் அமையும் என்று வாழ்த்தினார்..