தங்கம் சவரனுக்கு ரூ.1,320 குறைந்தது

சென்னை, சென்னையில் ஆபரணத் தங்கத்தின் விலை அதிரடியாக சவரனுக்கு ரூ.1,320 குறைந்து விற்பனையானது.

தங்கம் விலை தொடக்கத்தில் இருந்து ஏற்ற, இறக்கத்துடன் காணப்பட்ட நிலையில், கடந்த மாதம் 16ம் தேதி ஒரு சவரன் ரூ.57 ஆயிரத்தை கடந்து புதிய உச்சத்தை பதிவு செய்தது. அதன் பின்னரும், தங்கம் விலை தொடர்ந்து ஏறுமுகத்திலேயே பயணித்து வருகிறது. இதனால் 2 நாள் இடைவெளியிலேயே அதாவது, கடந்த மாதம் 19ம் தேதி ஒரு சவரன் ரூ.58 ஆயிரம் என்ற நிலையையும் தாண்டியது.

அதனைத் தொடர்ந்தும் தங்கம் விலை உயர்ந்து வருவதை பார்க்க முடிகிறது. அந்த வகையில் தங்கம் விலை கடந்த மாதம் 30ம் தேதி ஒரு சவரம் ரூ.59 ஆயிரத்தை கடந்து புதிய உச்சம் பெற்றது. இதன் மூலம் தங்கம் விலை மீண்டும் வரலாறு காணாத புதிய உச்சத்தை எட்டியது. நேற்று தங்கம் விலை சவரனுக்கு ரூ.80 உயர்ந்து ரூ.58,920-க்கு விற்பனை செய்யப்பட்டது.

இந்த நிலையில், நேற்று தங்கம் விலை அதிரடியாக குறைந்தது. அதன்படி, சென்னையில் 22 கேரட் ஆபரணத் தங்கத்தின் விலை நேற்று சவரனுக்கு ரூ.1,320 குறைந்து ரூ.57,600-க்கு விற்பனையானது. கிராமுக்கு ரூ.165 குறைந்து ரூ.7,200-க்கு விற்பனையானது. வெள்ளி விலை கிராமுக்கு 3 ரூபாய் குறைந்து ரூ.102-க்கு விற்பனையானது.