எல்லோருக்குமான தலைவர் அம்பேத்கர்: சென்னையில் 6-ம் தேதி நூலை வெளியிடுகிறார் நடிகர் விஜய்

சென்னை: வரும் 6-ம் தேதி சென்னையில் நடைபெறும் புத்தக வெளியீட்டு விழாவில், எல்லோருக்குமான தலைவர் அம்பேத்கர் என்ற நூலை த.வெ.க. தலைவர் நடிகர் விஜய் வெளியிட ஓய்வுபெற்ற நீதிபதி சந்துரு பெற்றுக் கொள்கிறார்.

சென்னையில் நடைபெறும் இந்த விழாவில் அம்பேத்கரின் பேரனும், தீவிர இடதுசாரி சிந்தனை கொண்ட சமூக செயற்பாட்டாளருமான ஆனந்த் டெல்டும்டேவும் புத்தக்கத்தை பெற்றுக் கொள்கிறார்.

இந்த விழாவில் விகடன் குழுமத்தின் நிர்வாக இயக்குநர் பா.சீனிவாசன்  வரவேற்புரை வழங்குகிறார். வாய்ஸ் ஆப் காமன்ஸ் நிறுவனர் ஆதவ் அர்ஜுனா நூல் உருவாக்கவுரை ஆற்றுகிறார்.

வி.சி.க.வின் ஆதவ் அர்ஜுனா நிறுவனம் வெளியிடும் இந்த புத்தக வெளியீட்டு விழாவில் வி.சி.க. தலைவர் திருமாவளவன் முதலில் கலந்து கொள்வதாக இருந்தது. பின்னர் அரசியல் காரணங்களால் இந்த நிகழ்வில் கலந்து கொள்ள மாட்டேன் என்று திருமாவளவன் அறிவித்திருப்பது குறிப்பிடத்தக்கது.