3 நாட்கள் விடுமுறைக்கு பின்னர் தமிழக சட்டசபை கூட்டம் : இன்று மீண்டும் கூடுகிறது

சென்னை, 3 நாட்கள் விடுமுறைக்கு பின்னர் தமிழக சட்டசபை கூட்டம் இன்று மீண்டும் தொடங்குகிறது. 

தமிழக சட்டபேரவை மானியக் கோரிக்கை விவாதங்கள் தற்போது நடைபெற்று வருகிறது. கடந்த 17 ம்தேதி சுற்றுலா, கலைப் பண்பாட்டு, இந்து சமய அறநிலையத்துறை ஆகிய துறைகளின் விவாதங்கள் நடைபெற்றன. இத்துறை களின் மீதான விவாதத்தில அ.தி.மு.க., தி.மு.க. மற்றும் காங்கிரஸ் உள்ளிட்ட 6 எம்எல்ஏக்கள் கலந்து கொண்டனர். இத்துறைக்கான அமைச்சர்கள் தங்கம் தென்னரசு  சேகர்பாபு, சாமிநாதன் மற்றும் ராஜேந்திரன் ஆகியோர் விவாதங்களுக்கு பதிலளித்து அறிவிப்புகளை வெளியிட்டனர். 

இதனை தொடர்ந்து புனித வெள்ளி அரசு விடுமுறை களுக்கு பின்னர் சட்டசபை கூட்டம் இன்று மீண்டும் தொடங்குகிறது. இன்றைய கூட்டத்தில் மருத்துவம் மற்றும் மக்கள் நல்வாழ்வுத்துறை மானியக் கோரிக்கை இடம் பெறுகிறது. கேள்வி நேரம், கவன ஈர்ப்பு தீர்மானங்களுக்கு பின்னர் மானியக் கோரிக்கை விவாதங்கள் நடைபெறும். விவாதங்களுக்கு அமைச்சர் மா. சுப்ரமணியன் பதிலளித்து முக்கிய அறிவிப்புகளை வெளியிடுகிறார்.