சமூக பாதுகாப்பு தற்போது 10 மடங்கு அதிகரித்து உள்ளது பிரதமர் மோடி பெருமிதம்

புதுடெல்லி: வாழ்க்கையில் நிலையற்ற தன்மையை சமாளிக்க மத்திய அரசின் சமூக நல பாதுகாப்பு திட்டங்கள் உதவுவதாகவும், சமூக பாதுகாப்பு தற்போது 10 மடங்கு உயர்ந்துள்ளதாகவும் பிரதமர் மோடி தெரிவித்துள்ளார்.

இதுகுறித்து பிரதமர் நரேந்திர மோடி பேசியதாவது:- 2014 ல் சுமார் 5 கோடியாக இருந்த சமூக பாதுகாப்பு அட்டை தற்போது  50 கோடி மக்களுக்கு நீட்டிக்கப்பட்டு உள்ளது. வாழ்க்கையில் நிலையற்ற தன்மையை சமாளிக்க மத்திய அரசின் சமூக நல பாதுகாப்பு திட்டங்கள் உதவுகிறது.  நாட்டில் ஏராளமான மகளிர் வங்கிக்கணக்கு வைத்திருப்பது மகிழ்ச்சியளிக்கிறது, இது அவர்களது பொருளாதார தேவைகளுக்கு மிகவும் முக்கியமானது என அவர் கூறியுள்ளார்.