புதுச்சேரியில் முதல்வர் ரங்கசாமி உள்ளிட்ட தேசிய ஜனநாயக கூட்டணித் தலைவர்களை சந்தித்து ஆதரவு கோரினார் திரெளபதி முர்மு

புதுச்சேரி : தேசிய ஜனநாயகக் கூட்டணி ஜனாதிபதி வேட்பாளர் திரெளபதி முர்மு நேற்று புதுச்சேரி வந்தார். அங்கு புதுச்சேரியில் முதல்வர் ரங்கசாமி உள்ளிட்ட பா.ஜ.க. கூட்டணி தலைவர்களை சந்தித்து ஆதரவு கோரினார்.

பாஜக தலைமையிலான தேசிய ஜனநாயகக் கூட்டணியின், ஜனாதிபதி வேட்பாளர் திரௌபதி முர்மு, நேற்று பிற்பகல் 11.45 மணிக்கு புதுச்சேரிக்கு வந்தார். புதுச்சேரியில் உள்ள அக்கார்டு சொகுசு உணவகத்தில் புதுவை மாநில தேசிய ஜனநாயகக் கூட்டணித் தலைவர்கள் கூட்டத்தில் அவர் பங்கேற்றார்.

அப்போது தேசிய ஜனநாயக கூட்டணித் தலைவர்களான என்.ஆர்.காங்கிரஸ் தலைவர் முதல்வர் என்.ரங்கசாமி, பாஜக மாநில தலைவர் வி. சாமிநாதன், உள்துறை அமைச்சர் ஏ.நமச்சிவாயம் மற்றும் அமைச்சர்கள், எம்எல்ஏக்கள், அதிமுக மாநிலச் செயலர் அன்பழகன் என். ஆர்.காங்கிரஸ் மாநிலச் செயலர் ஜெயபால், என். ஆர்.காங்கிரஸ், பாஜக எம்எல்ஏக்கள், எம்பிக்கள் ஆகியோரை சந்தித்து ஆதரவு திரட்டினார். 

புதுவை தனியார் நட்சத்திர ஹோட்டலில், கூட்டணித் தலைவர்களை திரெளபதி முர்மு சந்தித்து அவர் பேசினார். அவருடன் மத்திய அமைச்சர் முரளிதரன் உள்ளிட்டோர்  இருந்தனர்.