முக்கிய செய்திகள்
Idhayam Matrimony

சத்தியமங்கலம் அருகே கார்கள் நேருக்கு நேர் மோதி விபத்து : ஒரே குடும்பத்தை சேர்ந்த 4 பேர் பலி

புதன்கிழமை, 1 மே 2024      தமிழகம்
2-Cars 2024-05-01

Source: provided

ஈரோடு : சத்தியமங்கலம் அருகே இரு கார்கள் நேருக்கு நேர் மோதிக் கொண்ட  விபத்தில் 4 பேர் சம்பவ இடத்திலேயே உயிரிழந்தனர். 

ஈரோடு மாவட்டம் சத்தியமங்கலம் அடுத்த பவானிசாகர், நெசவாளர் காலனி அருகே 2 கார்கள் நேருக்கு நேர் மோதிக்கொண்ட விபத்தில் ஒரே குடும்பத்தைச் சேர்ந்த 2 குழந்தைகள் உள்பட 4 பேர் பலியான சம்பவம் பெரும் சோகத்தை ஏற்படுத்தி உள்ளது. இந்த கோர விபத்து குறித்த விவரம் வருமாறு:

கரூர் மாவட்டத்திலிருந்து மேட்டுப்பாளையம் நோக்கி கார் ஒன்று சென்று கொண்டிருந்தது. காரில் சிறுமுகை ஜடையம்பாளையத்தைச் சேர்ந்த முருகன், அவரது மனைவி ரஞ்சிதா, அவர்களது மகன் அபிஷேக் (8), மகள் நித்திஷா (7) ஆகியோர் சென்றனர். 

முருகன் கரூரில் ஏற்றுமதி தொழில் செய்து வந்தார். காரை முருகன் ஓட்டிவர மனைவி, மகன், மகள் உடன் வந்து கொண்டிருந்தனர். இதே போல் பவானிசாகருக்கு சுற்றுலா வந்த சேலத்தைச் சேர்ந்த மோகன், சுஜித் விஷால், பத்ரி ஆகிய 3 பேர் பவானிசாகர் பகுதியில் உள்ள ஒரு தனியார் உணவகத்தில் நேற்று முன்தினம் இரவு சாப்பிட்டு விட்டு மீண்டும் சேலம் நோக்கி தங்களது சொகுசு காரில் வந்து கொண்டிருந்தனர்.

ஈரோடு மாவட்டம் சத்தியமங்கலம் அடுத்த பவானிசாகர் நெசவாளர் காலனி அருகே 2 கார்களும் வந்த போது எதிர்பாராத விதமாக நேருக்கு நேர் பயங்கர சத்தத்துடன் மோதியது. இதில் 2 கார்களும் தலைகீழாக கவிழ்ந்தன. 

கண்ணிமைக்கும் நேரத்தில் நடந்த இந்த கோர விபத்தில் மோகன் ஓட்டி வந்த மாருதி கார் பலத்த சேதமடைந்து அப்பளம் போல் நொறுங்கியது. விபத்தில் பலத்த அடிபட்ட முருகன், அவரது மனைவி ரஞ்சிதா, மகன் அபிஷேக், மகள் நித்திஷா ஆகியோர் உயிருக்கு போராடி துடித்தனர். 

விபத்து நடந்ததும் அந்த பகுதியாக சென்ற வாகன ஓட்டிகள் அதிர்ச்சி அடைந்து விபத்து குறித்து 108 ஆம்புலன்சுக்கும், பவா னிசாகர் போலீசாருக்கும் தகவல் தெரிவித்தனர். 108 ஆம்புலன்ஸ் மருத்துவ குழுவினர் உடனடியாக விபத்து நடந்த இடத்துக்கு வந்தனர். 

அப்போது விபத்தில் முருகன் அவரது மனைவி ரஞ்சிதா, மகன் அபிஷேக் ஆகியோர் உடல் நசுங்கி சம்பவ இடத்திலேயே இறந்தது தெரியவந்தது. மகள் நித்திஷா வயிற்றில் படுகாயம் அடைந்து உயிருக்கு போராடிக் கொண்டிருந்தார்.

அதே சமயம் எதிர் தர ப்பில் இருந்து காரில் வந்த மோகன், சுஜித் விஷால், பத்ரி ஆகியோருக்கு லேசான காயம் ஏற்பட்டு அதிர்ஷ்டவசமாக உயிர் தப்பினர். பின்னர் விபத்தில் காயம் அடைந்தவர்களை மீட்டு சிகிச்சைக்காக சத்தியமங்கலம் அரசு ஆஸ்பத்திரிக்கு அனுப்பி வைத்தனர். 

விபத்தில் உயிரிழந்த முருகன், அவரது மனைவி ரஞ்சிதா, மகன் அபிஷேக் ஆகியோரின் உடலை கைப்பற்றி பிரேத பரிசோதனைக்காக சத்தியமங்கலம் அரசு ஆஸ்பத்திரிக்கு அனுப்பி வைத்தனர். விபத்தில் உயிருக்கு போராடிய மகள் நித்திஷாவை சத்தியமங்கலம் அரசு ஆஸ்பத்திரிக்கு சிகிச்சைக்காக சேர்த்தனர்.

அவரை பரிசோதித்த மருத்துவர் நித்திஷா வரும் வழியிலேயே இறந்து விட்ட தாக தெரிவித்தனர். இதனால் விபத்தில் உயிரிழந்தவர்கள் எண்ணி க்கை 4 ஆக உயர்ந்தது. 

விபத்தில் காயம் அடைந்த மோகன், சுஜித் விஷால், பத்ரி ஆகியோருக்கு சிகிச்சை அளிக்கப்பட்டு வருகிறது. இந்த விபத்து குறித்து பவானிசாகர் போலீசார் வழக்குப்பதிவு செய்து விசாரணை நடத்தி வருகின்றனர். இரவில் நடந்த இந்த கோர விபத்தில் ஒரே குடும்பத்தைச் சேர்ந்த 2 குழந்தைகள் உள்பட 4 பேர் உயிரிழந்தது பெரும் சோகத்தை ஏற்படுத்தியுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 4 months 2 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 4 months 2 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 5 months 2 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 5 months 2 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 7 months 2 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 7 months 2 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.