இந்தியாவுக்கு எதிரான தொடர்: ஆஸ்திரேலிய அணி அறிவிப்பு : புதுமுக வீரர்கள் 2 பேருக்கு இடம்

ஞாயிற்றுக்கிழமை, 10 நவம்பர் 2024 விளையாட்டு

அ+ அ-

Source: provided

மெல்போர்ன் : இந்தியாவுக்கு எதிரான டெஸ்ட் தொடருக்கான ஆஸ்திரேலிய அணி அறிவிக்கப்பட்டுள்ளது. இதில் 2 புதுமுக வீரர்கள் இடம்பெற்றுள்ளனர்.

சுற்றுப்பயணம்...

இந்திய கிரிக்கெட் அணி, ஆஸ்திரேலியாவில் சுற்றுப்பயணம் மேற்கொண்டு பார்டர்-கவாஸ்கர் கோப்பையான 5 போட்டிகள் கொண்ட டெஸ்ட் தொடரில் விளையாடுகிறது. இந்தியா - ஆஸ்திரேலியா அணிகள் இடையிலான முதலாவது டெஸ்ட் போட்டி பெர்த்தில் வருகிற 22-ந் தேதி தொடங்குகிறது. இந்த தொடருக்கான இந்திய அணி ஏற்கெனவே அறிவிக்கப்பட்டுவிட்டது. இந்த நிலையில், இந்தியாவுக்கு எதிரான பார்டர்-கவாஸ்கர் தொடருக்கான ஆஸ்திரேலிய அணி அறிவிக்கப்பட்டுள்ளது. அணியை பேட் கம்மின்ஸ் வழிநடத்த உள்ளார். மேலும் இரண்டு புதுமுக வீரர்களுக்கு அணியில் இடம் கொடுக்கப்பட்டுள்ளது.

தொடக்க ஆட்டக்காரர்...

இந்தியாவுக்கு எதிரான பார்டர் - கவாஸ்கர் தொடரின்போது, ஆஸ்திரேலிய அணியில் தொடக்க ஆட்டக்காரராக யார் களமிறங்கப் போகிறார்கள் என்ற கேள்வி நீண்ட நாள்களாக தொடர்ந்தது. டேவிட் வார்னரின் ஓய்வுக்குப் பிறகு, தொடக்க ஆட்டக்காரர் இடத்துக்கான சரியான வீரரை தேர்வு செய்யும் முயற்சியில் ஆஸ்திரேலிய கிரிக்கெட் வாரியம் இறங்கியது.

மெக்ஸ்வீனி....

இந்த நிலையில், பார்டர் - கவாஸ்கர் தொடரின் முதல் போட்டிக்கான ஆஸ்திரேலிய அணியை அந்நாட்டு கிரிக்கெட் வாரியம் நேற்று அறிவித்ததுடன், தொடக்க ஆட்டக்காரர் யார் என்பதையும் தெரிவித்துள்ளது. இந்தியாவுக்கு எதிரான முதல் டெஸ்ட் போட்டியின்போது, உஸ்மான் கவாஜாவுடன், நாதன் மெக்ஸ்வீனி தொடக்க ஆட்டக்காரராக களமிறங்குவார் என ஆஸ்திரேலிய கிரிக்கெட் வாரியம் தரப்பில் தெரிவிக்கப்பட்டுள்ளது. அதேபோல, ஆஸ்திரேலிய அணியில் அறிமுக வீரராக ஜோஷ் இங்லிஷ் இடம் பிடித்துள்ளார்.

முக்கியத்துவம்...

தொடக்க ஆட்டக்காரர் இடத்துக்கு தேர்வு செய்யப்பட்டுள்ள தெற்கு ஆஸ்திரேலிய பேட்ஸ்மேனான நாதன் மெக்ஸ்வீனிக்கு முன்னாள் வீரர்களான டேவிட் வார்னர் மற்றும் ரிக்கி பாண்டிங் ஆகியோர் தங்களது ஆதரவை தெரிவித்தனர். மார்கஸ் ஹாரிஸ், கேமரூன் பான்கிராஃப்ட் மற்றும் சாம் கொன்ஸ்டாஸ் போன்ற தொடக்க ஆட்டக்காரர்கள் டெஸ்ட் போட்டியில் தொடக்க ஆட்டக்காரராக களமிறக்கப்படுவதற்கான போட்டியில் இருந்த நிலையில், அன்கேப்டு வீரரான நாதன் மெக்ஸ்வீனி அந்த இடத்துக்கு தேர்வு செய்யப்பட்டுள்ளது முக்கியத்துவம் பெறுகிறது.

ஜியார்ஜ் பெய்லி...

நாதன் மெக்ஸ்வீனியின் ஆட்டம் தங்களுக்கு மிகுந்த நம்பிக்கையளித்ததாக ஆஸ்திரேலிய அணியின் தேர்வுக் குழுத் தலைவர் ஜியார்ஜ் பெய்லி தெரிவித்துள்ளார். இது தொடர்பாக அவர் பேசியதாவது: நாதன் மெக்ஸ்வீனியின் ஆட்டம் எங்களுக்கு மிகவும் பிடித்திருந்தது. கடந்த 12-15 மாதங்களாக அவரது ஆட்டத்தை நாங்கள் கவனித்து வந்தோம். அவர் மிகவும் சிறப்பாக விளையாடுகிறார். ஆட்டத்தை மிகவும் பொறுமையாகவும், நேர்த்தியாகவும் அணுகுகிறார். அவரது ஆட்டம் டெஸ்ட் கிரிக்கெட்டுக்கு மிகவும் உகந்ததாக உள்ளது என்றார்.

ஆஸி. அணி விவரம்:

பாட் கம்மின்ஸ் (கேப்டன்), ஸ்காட் போலண்ட், அலெக்ஸ் கேரி (விக்கெட் கீப்பர்), ஜோஸ் ஹேசில்வுட், டிராவிஸ் ஹெட், ஜோஷ் இங்லிஷ், உஸ்மான் கவாஜா, மார்னஸ் லபுஷேன், நாதன் லயன், மிட்செல் மார்ஷ், நாதன் மெக்ஸ்வீனி, ஸ்டீவ் ஸ்மித் மற்றும் மிட்செல் ஸ்டார்க்.

இதை ஷேர் செய்திடுங்கள்:

உங்கள் சரியான வாழ்க்கை துணையை தேர்ந்தெடுக்க இதயம் மேட்ரிமோனி - பதிவு இலவசம்

சினிமா நடிகர், நடிகைகளின் புகைப்படங்கள்

சித்த மருத்துவ குறிப்புக்கள்

மூளை பலம் பெற \| ஞாபக சக்தி பெருக \| மூளை சுறுசுறுப்பாக \| சுறுசுறுப்பு பெற - சித்த மருத்துவ குறிப்புக்கள் 4 months 2 weeks ago	புண்கள் குணமாக \| ஆறாத புண்களை ஆற்ற \| சிராய்ப்பு புண் \| மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 4 months 2 weeks ago	வாந்தி நிற்க \| கர்ப்பகால வாந்திக்கு, குமட்டல், பித்த வாந்தி 5 months 2 weeks ago
இரத்த வாந்தி மற்றும் வயிற்று வலி குணமாக \| கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 5 months 2 weeks ago	மூட்டு வலி குணமாக 7 எளிய வீட்டு வைத்தியம் \| இடுப்பு வலி குணமாக \| தவிற்கணவேண்டிய உணவுகள் 7 months 2 weeks ago	வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் \| பழங்கள் மற்றும் உணவு முறை 7 months 2 weeks ago

வீடியோ

தோல் நோய் பிரச்சனைகள் வராமல் தடுப்பது எப்படி?	50 பில்லியன் டாலர் மதிப்பில் சவுதியில் உருவாகும் பிரமாண்ட கட்டிடம்	கல்லிரல் மண்ணீரலை பலப்படுத்துவது எப்படி.
வயிற்று பொருமல் மற்றும் வாயு தொல்லை குணமாக இயற்கை மருத்துவம்.	வாந்தி குமட்டலை தடுப்பது எப்படி	முடி உதிர்வதை தடுத்து அடர்த்தியாக முடி வளரவைக்கும் எண்ணெய்

View all comments

வாசகர் கருத்து

அரசியல்