வயநாடு தொகுதி இடைத்தேர்தல்: வாக்களித்தார் பிரியங்கா காந்தி

வயநாடு : கேரளத்தில் வயநாடு மக்களவைத் தொகுதிக்கான வாக்குப்பதிவு நேற்று காலை முதல் தொடங்கி விறுவிறுப்பாக நடைபெற்று. இதில் காங்கிரஸ் கட்சி வேட்பாளர் பிரியங்கா காந்தி தன்னுடையை வாக்கை செலுத்தினார்.

வயநாடு தொகுதியில் 14 லட்சத்துக்கும் அதிகமான வாக்காளர்கள் உள்ள 1,354 வாக்குச் சாவடிகளுக்கு மக்கள் காலை முதலே வந்து வாக்களிக்கத் தொடங்கினர். வயநாடு மக்களவை மற்றும் சேலக்கரை சட்டப்பேரவைத் தொகுதிகளுக்கு இடைத்தேர்தல் காரணமாக நேற்று விடுமுறை அளிக்கப்பட்டிருந்தது. 

வயநாடு தொகுதியில் வயநாடு மாவட்டத்தில் உள்ள மானந்தவாடி, சுல்தான் பத்தேரி, கல்பெட்டா ஆகிய ஏழு சட்டப்பேரவைத் தொகுதிகள் உள்ளன. கோழிக்கோடு மாவட்டத்தில் திருவம்பாடி, மலப்புரம் மாவட்டத்தில் ஏரநாடு, நிலம்பூர் மற்றும் வண்டூர் ஆகிய தொகுதிகளிலும் வாக்குப்பதிவு நடைபெற்றது. 

இந்த ஆண்டு தொடக்கத்தில் நடைபெற்ற மக்களவைத் தேர்தலில் வயநாடு தொகுதியில் வெற்றிபெற்ற ராகுல் காந்தி, ரேபரேலி தொகுதியிலும் வெற்றி பெற்றதையடுத்து, வயநாடு தொகுதியில் ராஜிநாமா செய்தார். இதையடுத்து இடைத்தேர்தல் நேற்று நடைபெற்றது. காங்கிரஸ் சார்பில் முதல்முறையாக, அக்கட்சியின் பொதுச் செயலாளர் பிரியங்கா காந்தி களம் காண்கிறார். நேற்று காலை வயநாடு தொகுதியில் போட்டியிடும் பிரியங்கா தன்னுடைய வாக்கினைப் பதிவு செய்தார். வாக்குப்பதிவு நடைபெறுவதையொட்டி வயநாட்டில் 2,500-க்கும் மேற்பட்டோர் பாதுகாப்புப் பணியில் ஈடுபட்டிருந்தனர். வயநாடு தொகுதியில் 60.79 சதவீத வாக்குகள் பதிவானதாக தேர்தல் ஆணையம் தெரிவித்துள்ளது.