ஃபெஞ்சல் புயல்: பாதிக்கப்பட்ட மாவட்டங்களுக்கு தி.மு.க. சார்பில் நிவாரணப் பொருட்கள்: முதல்வர் ஸ்டாலின் அனுப்பி வைத்தார்

சென்னை, ஃபெஞ்சல் புயலால் பாதிக்கப்பட்ட மாவட்டங்களுக்கு தி.மு.க சார்பில்  நிவாரணப் பொருட்கள் அனுப்பி வைக்கப்பட்டது. சென்னை அண்ணா அறிவாலயத்தில் இருந்து வாகனங்களை முதல்வர் மு.க. ஸ்டாலின் கொடியசைத்து அனுப்பி வைத்தார். 

வங்கக்கடலில் உருவான ஃபெஞ்சல் புயல் , காரணமாக சென்னை, விழுப்புரம், கடலூர் உள்ளிட்ட வடமாவட்டங்களிலும், புதுச்சேரியிலும் கனமழை கொட்டியது. குறிப்பாக கடலூர், விழுப்புரம், கள்ளக்குறிச்சி ஆகிய மாவட்டங்களில் புயலின் கோரத்தாண்டவத்தால், அதிகனமழை கொட்டித்தீர்த்தது. 

 மேலும் இந்த புயல் காரணமாக திருவண்ணாமலை, கிருஷ்ணகிரி, சேலம் உள்ளிட்ட பல்வேறு மாவட்டங்களிலும் கனமழை கொட்டியதால், கடும் வெள்ளப்பெருக்கு ஏற்பட்டது. இதுவரை இல்லாத அளவிற்கு மழைப்பொழிவு ஏற்பட்டு, மக்களுக்கு பெரும் பாதிப்புகளை ஏற்படுத்தியது. 

இந்த நிலையில்,  ஃபெஞ்சல் புயலால் பாதிக்கப்பட்ட மாவட்டங்களுக்கு தி.மு.க சார்பில்  நிவாரணப் பொருட்கள் அனுப்பி வைக்கப்பட்டுள்ளது.  சென்னை அண்ணா அறிவாலயத்தில் இருந்து ஒரு லட்சம் கிலோ அரிசி மூட்டைகள் அனுப்பி வைக்கப்பட்டன. கொடியசைத்து வாகனத்தை முதல்வர்  மு.க. ஸ்டாலின் அனுப்பி வைத்தார்