முக்கிய செய்திகள்
Idhayam Matrimony

உ.பி., மகா கும்பமேளாவில் கடும் போக்குவரத்து நெரிசல்

திங்கட்கிழமை, 10 பெப்ரவரி 2025      இந்தியா
kumbelaa

Source: provided

பிரயாக்ராஜ்: மகா கும்பமேளாவில் கடும் போக்குவரத்து நெரிசல் ஏற்பட்டதால் பொதுமக்கள் அவதி அடைந்தனர்.

உத்தரபிரதேச மாநிலம் பிரயாக்ராஜ் நகரில் கும்பமேளா நடந்து வருகிறது. கடந்த 13-ம் தேதி தொடங்கிய இந்த விழா வருகிற 26-ம் தேதியுடன் நிறைவடைகிறது. இதுவரை சுமார் 43 கோடி பக்தர்கள் திரிவேணி சங்கமத்தில் புனித நீராடி உள்ளனர். தொடர்ந்து நடைபெறும் இந்த நிகழ்வில் பங்கேற்க நாள்தோறும் லட்சக்கணக்கான பக்தர்கள் வந்த வண்ணம் உள்ளனர்.

நேற்றுமுன்தினம் ஞாயிற்றுக்கிழமை என்பதால் லட்சக்கணக்கான பக்தர்கள் பிரயாக்ராஜ் நகரை நோக்கி படையெடுத்தனர். இதனால் பிரயாக்ராஜ் நகரை நோக்கி செல்லும் சாலைகளில் கடும் போக்குவரத்து நெரிசல் ஏற்பட்டது. சுமார் 300 கி.மீ தூரம் வரை போக்குவரத்து நெரிசல் ஏற்பட்டதாக பக்தர்கள் கூறுகின்றனர். இதனையடுத்து போலீசார் பிரயாக்ராஜ் நகருக்கு செல்லும் வாகனங்களை வேறு பாதையில் திருப்பி விட்டனர். இருப்பினும் போக்குவரத்து நெரிசல் சரியாகாததால் வழியிலேயே வாகனங்களை தடுத்து நிறுத்தினர். இதனால் கும்பமேளாவில் புனித நீராடுவதற்காக பிரயாக்ராஜ் நகரை அடைவதற்கு ஒருநாள் ஆகிறது என சில மாவட்டங்களை சேர்ந்த பக்தர்கள் கூறுகின்றனர்.

பிரயாக்ராஜ் நகரை நோக்கி லட்சக்கணக்கான பக்தர்கள் வந்துகொண்டிருப்பதால் அப்பகுதியில் கூட்டத்தை சமாளிக்கமுடியாத நிலை ஏற்பட்டுள்ளது. இதன்காரணமாக பிரயாக்ராஜில் உள்ள ரெயில் நிலையம் வரும் 14-ம் தேதி வரை மூடப்படுவதாக அறிவிக்கப்பட்டுள்ளது. இந்தநிலையில், சமாஜ்வாடி கட்சி தலைவர் அகிலேஷ் யாதவ் பிரயாக்ராஜ் நகரில் ஏற்பட்டுள்ள போக்குவரத்து நெரிசல் குறித்து உத்தர பிரதேச அரசை விமர்சித்துள்ளார். இது குறித்து அவர் எக்ஸ் தள பதிவில் கூறியதாவது:- பிரயாக்ராஜ் நகரில் ஏற்பட்டுள்ள கடும் போக்குவரத்து நெரிசல் அத்தியாவசிய பொருட்களின் பற்றாக்குறைக்கு வழிவகுத்துள்ளது என அதில் கூறியுள்ளார். 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 7 months 2 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 7 months 2 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 8 months 2 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 8 months 2 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 10 months 2 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 10 months 2 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.