முக்கிய செய்திகள்
Idhayam Matrimony

தமிழ்நாட்டுக்கு 2.5 டி.எம்.சி. தண்ணீர் திறக்க கர்நாடகாவுக்கு உத்தரவு

செவ்வாய்க்கிழமை, 22 ஏப்ரல் 2025      தமிழகம்
Cauvery 2023 08 11

Source: provided

சென்னை : தமிழ்நாட்டிற்கு 2.5 டி.எம்.சி. தண்ணீர் திறக்க கர்நாடகாவுக்கு காவிரி மேலாண்மை ஆணையம் உத்தரவு பிறப்பித்துள்ளது. காணொலி காட்சி வாயிலாக நடந்த கூட்டத்தின் முடிவில் எந்த ஆணை பிறப்பிக்கப்பட்டுள்ளது.

காவிரியில் தண்ணீர் திறந்துவிடுவது தொடர்பாக தமிழ்நாடு - கர்நாடகா இடையே தொடர்ச்சியாக பிரச்னை நீடித்து வருகிறது. இதனை தீர்த்து வைக்க தமிழக அரசு பல்வேறு சட்டப் போராட்டங்கள் நடத்தியதன் விளைவாக காவிரி மேலாண்மை ஆணையம், காவிரி நீர் ஒழுங்காற்றுக் குழு ஆகியவை அமைக்கப்பட்டன. உச்ச நீதிமன்றம் வரையறுத்த 177.25 டி.எம்.சி. தண்ணீரை தமிழகத்திற்கு திறந்துவிடுவதை கண்காணிப்பது இதன் பொறுப்பு. அத்துடன், இரு மாநிலங்களுக்கு இடையிலான மழைப் பொழிவு, அணைகளின் நீர் இருப்பு குறித்து ஆய்வு செய்து தண்ணீர் பங்கீடு தொடர்பாக இந்த அமைப்புகள் உத்தரவு பிறப்பிக்கின்றன.

கர்நாடகாவில் கடந்த ஆண்டு காவிரி நீர் பிடிப்புப் பகுதிகளில் கனமழை கொட்டித் தீர்த்தது. இதனால் இரு மாநிலங்களுக்கும் இடையே தண்ணீர் திறப்பில் எந்த பிரச்னையும் ஏற்படவில்லை. உச்ச நீதிமன்றம் நிர்ணயித்த அளவை விட அதிகமாகவே தண்ணீர் வந்தது. இதனால் மேட்டூர் அணை நீர்மட்டம் கடந்த பல மாதங்களாக 100 அடிக்கு மேல் நீடித்து வருகிறது.

நேற்று காலை நிலவரப்படி மேட்டூர் அணை நீர்மட்டம் 107.59 அடியாக உயர்ந்துள்ளது. அணைக்கான நீர்வரத்தும் காவிரி ஆற்றில் 2034 கன அடியாக உள்ளது. அணையில் 75.02 டி.எம்.சி. தண்ணீர் இருப்பு உள்ளது. குடிநீர் தேவைக்காக மட்டும் சுமார் 1000 கன அடி தண்ணீர் திறந்துவிடப்பட்டு வருகிறது.

இந்த நிலையில் காவிரி மேலாண்மை ஆணையத்தின் 39வது கூட்டம் நேற்று அதன் தலைவர் எஸ்.கே.ஹல்தர் தலைமையில் காணொலி காட்சி வாயிலாக நடைபெற்றது. அதில் தண்ணீர் இருப்பு, தேவை உள்ளிட்டவை குறித்து இரு மாநிலங்களிடமும் கருத்து கேட்டறியப்பட்டது. முடிவில், காவிரியில் இருந்து தமிழகத்திற்கு மே மாதம் 2.5 டி.எம்.சி. தண்ணீரை திறக்க கர்நாடகாவுக்கு காவிரி மேலாண்மை ஆணையம் உத்தரவிட்டுள்ளது.

 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 9 months 4 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 9 months 4 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 10 months 4 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 10 months 4 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 1 year 3 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 1 year 3 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.