பெயருக்காகவே நடித்த ராய் லட்சுமி

எஸ். எஸ். ஐ புரொடக்சன் தயாரிப்பில் வினூ வெங்கடேஷ் இயக்கத்தில் ராய் லட்சுமி முக்கிய வேடத்தில் நடித்துள்ள படம் 'சிண்ட்ரெல்லா'. இப்படம் குறித்து அவர் கூறுகையில், 'சிண்ட்ரெல்லா'  ஒரு திகில் பேண்டஸி ஹாரர் படம்.

சிண்ட்ரெல்லா என்ற அந்த ஒரு வார்த்தையில் நான் மனம் கவரப்பட்டேன். சிண்ட்ரெல்லா என்ற பெயரை தேவதைக் கதைகளில் தான் கேள்விப்பட்டிருக்கிறோம். அந்தப் பெயரில் ஒரு திகில் படமா என்று வியந்தேன்.

இதில் இரண்டு வேடம் என்று முதலில் அவர் சொல்லவே இல்லை. ஆனால் மூன்று வேடம் என்பது தெரியவே தெரியாது. வேலைக்காரி வேடமும் நான்தான் செய்ய வேண்டும் என்று அவர் சொன்ன போது  நான் ஒரு கணம் தயங்கினேன். மறுத்து விடலாம் என்றுதான் நினைத்தேன். ஆனால் அவர் என் மேல் நம்பிக்கை வைத்துப் பேசினார். கதையில் மனம் கவரப்பட்டு  ஒப்புக்கொண்டேன்.

சிண்ட்ரெல்லா உடையில் நான் நடித்தது சவாலாக இருந்தது. பல நேரங்களில்,அந்தக் கவுனை அணிந்து நடிப்பது மிகவும் சிரமமாகவும் அசெளகரியமாகவும் இருந்தது. ஆனால் படம் பார்க்கும்போது அந்த சிரமமெல்லாம் காணாமல் போய்விட்டது என்றார்.