முக்கிய செய்திகள்
Idhayam Matrimony

அ.தி.மு.க.வின் பிரம்மாஸ்திரம் இரட்டை இலை: ரஜினிகாந்த்

ஞாயிற்றுக்கிழமை, 24 நவம்பர் 2024      தமிழகம்
Rajini

Source: provided

சென்னை : அ.தி.மு.க.வின் பிரம்மாஸ்திரம் இரட்டை இலை.  அந்த இரட்டை இலை கிடைப்பதற்கு ஜானகி அம்மாள் மிகப் பெரும் தியாகம் செய்தார் என்று ரஜினிகாந்த் புகழாரம் சூட்டினார். 

தமிழகத்தின் முதல் பெண் முதல்வரும்,  எம்.ஜி.ஆரின் மனைவியுமான மறைந்த ஜானகியின் நூற்றாண்டு விழா, அ.தி.மு.க. சார்பில் வானகரத்தில் உள்ள ஸ்ரீவாரு வெங்கடாஜலபதி பேலஸ் மண்டபத்தில் நேற்று காலை நடந்தது. 

அ.தி.மு.க. பொதுச் செயலாளர் எடப்பாடி பழனிசாமி தலைமையில் நடைபெற்ற இந்த விழாவில், நூற்றாண்டு விழா மலரை வெளியிட்டு, ஜானகியுடன் பயணித்தவர்களுக்கு நினைவுப் பரிசுகளையும் அவர் வழங்கினார். அதனை தொடர்ந்து ஜானகி ராமச்சந்திரனின் திருவுருவப் படத்தை எடப்பாடி பழனிசாமி திறந்து வைத்தார். 

 இந்நிலையில் நூற்றாண்டு விழாவை முன்னிட்டு எம்.ஜி.ஆர். - ஜானகியின் நினைவுகளை வீடியோவில் நடிகர் ரஜினிகாந்த் பகிர்ந்த வீடியோ ஒளிபரப்பப்பட்டது. இதுதொடர்பான அந்த வீடியோவில், 

எம்.ஜி.ஆர். மறைந்த பிறகு ஜானகி அம்மையார் அரசியலுக்கு வந்தது பொலிடிக்கல் ஆக்சிடெண்ட். அவருக்கு ஈடுபாடு இல்லை. சூழ்நிலைக் கைதியாக அரசியலுக்கு வந்தார். 

ஜானகி மிகுந்த தைரியத்துடன் முடிவு எடுப்பவர். யாருடைய ஆலோசனையையும் கேட்காமல் அரசியல் தனக்கு சரிபட்டு வராது. நீங்கள்தான் சரியானவர் என முடிவு செய்து, ஜெயலலிதாவிடம் கட்சியை ஒப்படைத்தார்.

அ.தி.மு.க. நலனுக்காக கட்சியை விட்டுக் கொடுத்தவர் ஜானகி ராமச்சந்திரன். அ.தி.மு.க. இரண்டாக பிளவுபட்ட போது, ஜெயலலிதா அம்மையாரிடம் கட்சியை ஒப்படைத்தது அவரின் நல்ல குணம், பக்குவத்தை உணர்த்தியது.

திரைப்படத்தில் புகைப்பிடிக்கும் காட்சிகளில் நடிப்பதை தவிர்க்க வேண்டும் என்று எம்.ஜி.ஆர். கூறியதாக ஜானகி அம்மையார் என்னிடம் தெரிவித்தார். 2017-ல் நான் அரசியலுக்கு வருவதாக சொன்னேன். அப்போது நிறைய பேர் என்னை சந்தித்து ஆலோசனை சொன்னார்கள். 

அந்த ஆலோசனையெல்லாம் கேட்டால், நாம் நிம்மதி எல்லாம் இழந்து, எல்லாத்தையும் இழக்க வேண்டியதுதான். அ.தி.மு.க.வின் பிரம்மாஸ்திரம் இரட்டை இலை.  அந்த இரட்டை இலை கிடைப்பதற்கு ஜானகி அம்மாள் மிகப் பெரும் தியாகம் செய்தார். 

அவருக்கு இந்த நூற்றாண்டு விழாவை விமரிசையாகக் கொண்டாடுவதை வரவேற்கிறேன். இந்த விழாவுக்கு என்னுடைய வாழ்த்துகள் என்று அவர் கூறினார். ரஜினிகாந்த்தை தொடர்ந்து தே.மு.தி.க. பொதுச்செயலாளர் பிரேமலதா விஜயகாந்த் பேசிய வாழ்த்து வீடியோவும் ஒளிபரப்பப்பட்டது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 4 months 4 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 4 months 4 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 5 months 4 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 5 months 4 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 7 months 4 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 7 months 4 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.