முக்கிய செய்திகள்
Idhayam Matrimony

உ.பி. மகா கும்பமேளாவில் இதுவரை 1.74 கோடிக்கும் அதிகமானோர் புனித நீராடல்

திங்கட்கிழமை, 27 ஜனவரி 2025      இந்தியா
UP 2025-01-12

Source: provided

பிரயாக்ராஜி : உத்தர பிரேதச மாநிலம், பிரயாக்ராஜில் நடைபெற்று வரும் மகா கும்பமேளாவின் 14-ஆவது நாளில் 1.74 கோடிக்கும் அதிகமானோர் புனித நீராடினர்.

கங்கை, யமுனை, சரஸ்வதி ஆகிய 3 புனித நதிகள் சங்கமிக்கும் இடமான பிரயாக்ராஜில் உள்ள திரிவேணி சங்கமத்தில் கடந்த ஜன.13 தொடங்கி பிப். 26 வரை 45 நாள்களுக்கு மகா கும்பமேளா நடைபெறுகிறது. இந்த ஆன்மிக நிகழ்வில் மக்கள் புனித நீராடும் 6 மங்கள நாள்களில் மிகவும் முக்கியத்துவம் வாய்ந்த மௌனி அமாவாசை புதன்கிழமை ஜன.29 நடைபெறுகிறது.

குடியரசு நாளையொட்டி பொது விடுமுறை என்பதால் ஞாயிற்றுக்கிழமையே மகா கும்பமேளாவில் லட்சக்கணக்கான பக்தர்கள் திரண்டனர். கடந்த 2 நாள்களிலும் தலா 50 லட்சம் பேர் மட்டுமே கலந்து கொண்ட நிலையில், ஞாயிற்றுக்கிழமையன்று 1.74 கோடிக்கும் அதிகமான பக்தர்கள் புனித நீராடினர். கும்பமேளாவில் இதுவரை 13.21 கோடிக்கும் மேற்பட்டோர் புனித நீராடியுள்ளனர். இதில் பல்வேறு உலக நாடுகளில் இருந்து வந்த சுற்றுலாப் பயணிகளும் அடங்குவர். 

நெருங்கும் மௌனி அமாவாசை-ஏற்பாடுகள் தீவிரம்: மௌனி அமாவாசையையொட்டி பக்தர்களின் எண்ணிக்கை 10 கோடியை எட்டும் என்று அதிகாரிகள் கூறுகின்றனர். இதைக் கருத்தில் கொண்டு, விரிவான ஏற்பாடுகளை நிர்வாகம் செய்து வருகிறது. நாட்டின் வரலாற்றிலேயே அதிக மக்கள் ஒரே இடத்தில் திரளும் நிகழ்வாக மௌனி அமாவாசை புனித நீராடல் இருக்கும் என எதிர்பார்க்கப்படுகிறது. இதற்காக நாடு முழுவதும் இருந்து 150 சிறப்பு ரயில்கள் இயக்கப்படுகின்றன. பிரயாக்ராஜ் கோட்டத்தில் 4 நிமிஷ இடைவெளியில் ரயில்களை இயக்க திட்டமிடப்பட்டுள்ளது. புனித நீராட வரும் பக்தர்களின் பாதுகாப்புக்காக மத்திய ஆயுதப் படை, மாநில காவல் துறை மத்திய, மாநில மீட்புப் பணி வீரர்கள் பணியில் ஈடுபடுத்தப்பட்டுள்ளனர். திரிவேணி சங்கமம் பகுதியில் கூட்டநெரிசலைத் தடுக்க ஒருங்கிணைந்த கட்டுப்பாட்டு மையம் தீவிரமாக செயல்பட்டு வருகிறது. 

ஆளில்லா வான்கேமராக்கள் மூலம் கூட்டத்தின் அளவு கண்காணிக்கப்பட்டு, களத்திலுள்ள காவல் துறையினருக்கு நிகழ்நேர தகவல்கள் தொடர்ந்து தெரிவிக்கப்படுகின்றன. மேலும், மகாகும்ப நகரில் ஞாயிற்றுக்கிழமை முதல் வாகனப் போக்குவரத்துக்குத் தடை விதிக்கப்பட்டது. சமாஜவாதி கட்சித் தலைவர் அகிலேஷ் யாதவ்  திரிவேணி சங்கமம் பகுதியில் புனித நீராடினார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 7 months 6 days ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 7 months 6 days ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 8 months 6 days ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 8 months 6 days ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 10 months 6 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 10 months 6 days ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.