முக்கிய செய்திகள்
Idhayam Matrimony

வக்பு வாரிய திருத்த மசோதா: சுப்ரீம் கோர்ட்டில் வழக்கு தொடரும் எதிர்க்கட்சிகள்

செவ்வாய்க்கிழமை, 28 ஜனவரி 2025      இந்தியா
Supreme-Court 2024-11-269

Source: provided

புதுடெல்லி : வக்பு வாரிய திருத்த மசோதா தொடர்பாக இன்று அறிக்கை தாக்கல் செய்யப்பட உள்ள நிலையில்  சுப்ரீம் கோர்ட்டில் வழக்கு தொடர எதிர்க்கட்சிகள் முடிவு செய்துள்ளன.

வக்பு வாரிய சட்டத்தில் பல்வேறு திருத்தங்களை மேற்கொண்டு புதிய மசோதாவை மத்திய அரசு கடந்த ஆகஸ்டு மாதம் பாராளுமன்றத்தில் தாக்கல் செய்தது. இந்த திருத்த மசோதாவுக்கு எதிர்க்கட்சிகள் கடும் எதிர்ப்பை தெரிவித்தன. இதனால் இந்த மசோதா பாராளுமன்ற கூட்டுக்குழு ஆய்வுக்கு அனுப்பி வைக்கப்பட்டது. இதற்காக பா.ஜனதா எம்.பி. ஜெகதாம்பிகா பால் தலைமையில் அமைக்கப்பட்ட கூட்டுக்குழுவில் தேசிய ஜனநாயக கூட்டணி மற்றும் எதிர்க்கட்சிகளை சேர்ந்த எம்.பி.க்கள் இடம்பெற்றனர்.

இந்த குழுவினர் அடிக்கடி கூடி மசோதாவை ஆய்வு செய்து வந்தனர். மேலும் பல்வேறு தரப்பினரின் கருத்துகளையும் கேட்டு பதிவு செய்தனர். பின்னர் அவற்றின் அடிப்படையில் பல்வேறு திருத்தங்களை கூட்டுக்குழு உறுப்பினர்கள் பரிந்துரைத்தனர். அதன்படி 572 திருத்தங்களை கூட்டுக்குழு உறுப்பினர்கள் பரிந்துரைத்தனர். அந்த பட்டியல் வெளியிடப்பட்டது. இதில் பா.ஜனதா மற்றும் எதிர்க்கட்சி எம்.பி.க்கள் மட்டுமே திருத்தங்களை கூறியிருந்தனர். அதேநேரம் பா.ஜனதா கூட்டணி எம்.பி.க்கள் யாரும் எந்த திருத்தமும் கூறவில்லை என கூறப்படுகிறது. இதையடுத்து பாராளுமன்ற கூட்டுக்குழு நேற்று முன்தினம் மீண்டும் கூடியது. இதில் மசோதாவின் ஒவ்வொரு பிரிவாக ஆய்வு செய்யப்பட்டதுடன், திருத்தங்களும் விவாதிக்கப்பட்டது.

பின்னர் மசோதா மீது பா.ஜனதா உறுப்பினர்கள் கூறிய திருத்தங்களை பாராளுமன்றக்குழு ஏற்றுக்கொண்டது. இதில் முக்கிய திருத்தமாக, தற்போதுள்ள வக்பு சொத்துகளை 'பயனாளரால் வக்பு' என்ற அடிப்படையில் கேள்வி கேட்க முடியாது என்ற விதி மத்திய அரசின் மசோதாவில் இருந்தது. ஆனால் சொத்துகள் மத நோக்கங்களுக்காகப் பயன்படுத்தப்பட்டால் அது தவிர்க்கப்படும் என திருத்தம் போடப்பட்டு உள்ளது.

அதேநேரம் தற்போதைய வக்பு சொத்துகளை பதிவு செய்திருக்க வேண்டும் என்பது கட்டாயம் என திருத்தம் செய்யப்பட்டு உள்ளது. இதைப்போல ஒரு சொத்து வக்பு சொத்தா இல்லையா என்பதை கலெக்டரே தீர்மானிக்கலாம் என கூறப்பட்டிருந்ததற்கு பதிலாக, கலெக்டருக்கு மேல் அதிகாரம் கொண்ட ஒரு சிறப்பு அதிகாரியை மாநில அரசு நியமித்து சர்ச்சைகளை தீர்க்கலாம் என திருத்தப்பட்டு உள்ளது. இவை உள்பட பா.ஜனதா எம்.பி.க்களின் திருத்தங்களை ஏற்றுக்கொண்டுள்ள கூட்டுக்குழு, எதிர்க்கட்சி எம்.பி.க்கள் தெரிவித்த திருத்தங்களை ஏற்கவில்லை.

இதனை தொடர்ந்து வக்பு வாரிய திருத்த மசோதாவில் பல்வேறு திருத்தங்கள் போடப்பட்டு உள்ள நிலையில், பாராளுமன்ற கூட்டுக்குழு இன்று (புதன்கிழமை) அறிக்கை தாக்கல் செய்யும் என தகவல் வெளியாகி இருக்கிறது. அதேநேரம் இந்த அறிக்கைக்கு எதிர்க்கட்சி உறுப்பினர்கள் எதிர்ப்பு தெரிவிப்பார்கள் என தகவல் வெளியாகி இருக்கிறது. பாராளுமன்ற பட்ஜெட் கூட்டத்தொடர் 31-ந்தேதி தொடங்கும் நிலையில், இந்த தொடரின் முதல் பகுதியிலேயே இந்த மசோதா நிறைவேற்றப்படும் என அரசு வட்டாரங்கள் தெரிவித்து உள்ளன.

இந்த நிலையில், வக்பு திருத்த மசோதா நிறைவேற்றப்பட்டால் சுப்ரீம் கோர்ட்டில் வழக்கு தொடர எதிர்க்கட்சிகள் முடிவு செய்துள்ளன. ஆளும் கட்சியின் திருத்தங்கள் மட்டும் ஏற்கப்பட்டு இறுதி அறிக்கை தயாரிக்கப்பட்டுள்ளது என்று திமுக, காங்கிரஸ் உள்ளிட்ட எதிர்கட்சி உறுப்பினர்கள் குற்றம் சாட்டியுள்ளனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 7 months 6 days ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 7 months 6 days ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 8 months 6 days ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 8 months 6 days ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 10 months 6 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 10 months 6 days ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.