ஜனாதிபதியுடன் ரேகா குப்தா சந்திப்பு

புதுடெல்லி : டெல்லியில் புதிதாக பதவியேற்ற முதல்வர் ரேகா குப்தா, குடியரசுத் தலைவர் திரௌபதி முர்முவை சந்தித்துப் பேசினார்.

டெல்லியின் 9வது முதல்வராக ரேகா குப்தா மற்றும் அவரது அமைச்சரவையில் 6 பேர் வியாழக்கிழமை பதவியேற்றுக் கொண்டனர்.  டெல்லியில் 27 ஆண்டுகளுக்குப் பின்னர் ஆட்சியைக் கைப்பற்றியுள்ளது பா.ஜ.க.. ,இதையடுத்து பதவியேற்பு விழா டெல்லி ராம் லீலா மைதானத்தில் நடைபெற்றது.

முதல்வர் ரேகா குப்தாவுக்கு துணைநிலை ஆளுநர் வி.கே. சக்சேனா பதவிப் பிரமாணமும் ரகசிய காப்புப் பிரமாணமும் செய்து வைத்தார். அவரைத் தொடர்ந்து அமைச்சர்கள் பதவியேற்றுக் கொண்டனர்.

இந்நிலையில் குடியரசுத் தலைவர் மாளிகை அலுவலகம் வெளியிட்ட தகவலில், டெல்லி முதல்வர் ரேகா குப்தா, குடியரசுத் தலைவர் திரௌபதி முர்முவை இன்று (நேற்று) சந்தித்துப் பேசினார். ரேகா குப்தாவையடுத்து, கோவா ஆளுநர் பி.எஸ். ஸ்ரீதரன் பிள்ளையும் குடியரசுத் தலைவருடன் சந்திப்பு மேற்கொண்டார் என்று தெரிவித்துள்ளது.