முக்கிய செய்திகள்
Idhayam Matrimony

காவல் ஆய்வாளர் ஸ்ரீதர் உள்பட 5 போலீசாருக்கு வரும் 14-ம் தேதி வரை சி.பி.ஐ. காவல்

செவ்வாய்க்கிழமை, 14 ஜூலை 2020      தமிழகம்
Image Unavailable

Source: provided

மதுரை : சாத்தான்குளம் தந்தை, மகன் கொலை வழக்கில் காவல் ஆய்வாளர் ஸ்ரீதர் உள்பட 5 போலீசாருக்கு 16- ம் தேதி வரை சி.பி.ஐ. காவல் அளிக்கப்பட்டது

சாத்தான்குளம் கொலை வழக்கில் கைது செய்யப்பட்ட ஆய்வாளர் ஸ்ரீதர், உதவி ஆய்வாளர்கள் ரகு  கணேஷ், பாலகிருஷ்ணன், காவலர்கள் முருகன், முத்துராஜை காவலில் எடுக்க சி.பி.ஐ.  மதுரை மாவட்ட நீதிமன்றத்தில் மனு தாக்கல் செய்தது. சி.பி.ஐ. காவல் கோரிய மனு மீது மதுரை மாவட்ட நீதிமன்றத்தில் விசாரணை நடைபெற்றது. 

சாத்தான்குளம் கொலை வழக்கில் 5 போலீசாரை விசாரிப்பது மிக முக்கியமான ஒன்று என சி.பி.ஐ. சார்பில் வாதிடப்பட்டது. காவலில் எடுத்து விசாரிக்க கோருவது ஏன்? என சி.பி.ஐ. தரப்பு நீதிமன்றத்தில் விளக்கம் அளித்தது.  சி.பி.ஐ. காவலில் செல்வது குறித்து 5 போலீசாரிடமும் நீதிபதி தனித்தனியே கேட்டறிந்தார்.  அப்போது சாத்தான்குளம் கொலை வழக்கில் கைது செய்யப்பட்ட 5 போலீசாரும் சி.பி.ஐ. காவலில் செல்ல ஒப்புதல் அளித்து உள்ளனர்.

மேலும் வழக்கறிஞர்கள் உடன் இருக்க அனுமதிக்க வேண்டும் என 5 போலீசாரும் கோரிக்கை வைத்து உள்ளனர்.  அதை தொடர்ந்து சாத்தான்குளம் தந்தை, மகன் கொலை வழக்கில் காவல் ஆய்வாளர் ஸ்ரீதர் உள்பட 5 போலீசாருக்கு வரும்  16-ம் தேதி வரை சி.பி.ஐ. காவல் அளிக்கப்பட்டது  சி.பி.ஐ. 5 நாள் அனுமதி கேட்ட நிலையில் 3 நாள் அனுமதி அளித்தது மதுரை நீதிமன்றம் உத்தரவிட்டது.

இதையடுத்து, மருத்துவ பரிசோதனைக்கு பிறகு 5 பேரும் சி.பி.ஐ. அலுவலகத்திற்கு அழைத்து செல்லப்பட்டனர்.  தொடர்ந்து, ஆய்வாளர் ஸ்ரீதர் உள்பட 5 பேரிடமும் சி.பி.ஐ. விசாரணையை தொடங்கியது. மதுரையில் உள்ள சி.பி.ஐ. அலுவலகத்தில் விசாரணை நடைபெற்று வருகிறது. 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து