பணி விமர்சனம்

கேரள மாநிலம் திருச்சூரில் மிகப்பெரிய சாம்ராஜ்ஜியத்தோடு வலம் வருகிறார் நாயகன் ஜோஜு ஜார்ஜ். அதே ஊரில் குற்ற செயல்களில் ஈடுபடும் இரண்டு இளைஞர்கள்நாயகன் வாழ்க்கையில் குறுக்கிடுகிறார்கள். அவர்கள் மூலம் நினைத்து கூட பார்க்க முடியாத இழப்பு ஜோஜு ஜார்ஜுக்கு ஏற்படுகிறது.

அதனால் அவர்களை பழி தீர்க்க, அவரது மொத்த சாம்ராஜ்யமே களத்தில் இறங்க, அந்த இளைஞர்கள் எதிர்பார்க்காத வகையில் பதிலடி கொடுக்கிறார்கள். அவர்களின் பதிலடியை முறியடித்து தனது பாணியில் அவர்கள் கற்பனை செய்து பார்க்க முடியாத தண்டனை கொடுக்க களம் இறங்கும் ஜோஜு ஜார்ஜ், அதை எப்படி செய்து முடிக்கிறார் என்பதே ‘பணி படம்.

ஜோஜு ஜார்ஜ் வழக்கம் போல் தனது பேவரைட் வேட்டி சட்டையில் இயல்பாக நடித்து கலக்குகிறார். மனைவியின் நிலை கண்டு கலங்குவதும், அடுத்த கனமே அதற்கு காரணமானவர்கள் மீது இருக்கும் தனது கோபத்தை கண்களில் வெளிப்படுத்துவது என அதிகம் பேசாமலேயே தனது உணர்வுகளை வெளிப்படுத்தியிருக்கிறார்.

ஜோஜு ஜார்ஜின் மனைவியாக நடித்திருக்கும் அபிநயா, அழகு மற்றும் நடிப்பு இரண்டிலும் கவனம் ஈர்க்கிறார். விஷ்ணு விஜய் மற்றும் சாம்.சி.எஸ் ஆகியோரது இசையில் பாடல்களும், பின்னணி இசையும் கதைக்கு ஏற்ப பயணித்திருக்கிறது. மொத்தத்தில், பணி நிச்சயம் பார்க்கலாம்.