தங்கம் விலை 2 நாட்களில் சவரனுக்கு ரூ.1,240 உயர்வு

சென்னை: தங்கம் விலை இந்த ஆண்டு தொடக்கத்தில் இருந்து ஏற்ற, இறக்கத்துடன் காணப்பட்ட நிலையில், கடந்த அக்டோபர் மாதம் 30-ம் தேதி ஒரு சவரன் ரூ.59 ஆயிரத்தை கடந்து புதிய உச்சம் பெற்றது. அதனை தொடர்ந்து தங்கம் விலை ஏற்ற, இறக்கத்துடன் காணப்பட்டு வருகிறது. நேற்று முன்தினம் தங்கம் விலை சவரனுக்கு ரூ.600 உயர்ந்த நிலையில் நேற்று மேலும் உயர்ந்து விற்பனையானது.

அதன்படி, சென்னையில் 22 கேரட் ஆபரணத் தங்கத்தின் விலை சவரனுக்கு ரூ.640 உயர்ந்து ரூ.58,280-க்கு விற்பனையானது. கிராமுக்கு ரூ.80 உயர்ந்து ஒரு கிராம் தங்கம் ரூ.7,285-க்கு விற்பனையானது. 2 நாட்களில் தங்கம் விலை சவரனுக்கு ரூ. 1,240 உயர்ந்துள்ளது குறிப்பிடத்தக்கது. வெள்ளி விலை கிராமுக்கு ரூ.1 குறைந்து ஒரு கிராம் ரூ.103-க்கு விற்பனை செய்யப்படுகிறது.

கடந்த ஐந்து நாள்களுக்கான தங்கம் விலை நிலவரம்: டிச.11: ஒரு சவரன் ரூ.58,280, டிச.10: ஒரு சவரன் ரூ.57,640, டிச.9 : ஒரு சவரன் ரூ.57,040, டிச.8 : ஒரு சவரன் ரூ.56,920, டிச.7 : ஒரு சவரன் ரூ.57,920, டிச.6 : ஒரு சவரன் ரூ.56,920, நேற்று முன்தினம் வெள்ளி விலையில் செவ்வாய்க்கிழமை கிராமுக்கு ரூ. 4 அதிகரித்து ரூ.104-க்கும், ஒரு கிலோ (கட்டி வெள்ளி) ரூ.1,04,000-க்கும் விற்பனையானது. இந்த நிலையில், வெள்ளி விலை புதன்கிழமை கிராமுக்கு ரூ.1 குறைந்து ரூ.103-க்கும், ஒரு கிலோ(கட்டி வெள்ளி) ரூ.1,03,000-க்கும் விற்பனையானது.