முக்கிய செய்திகள்
Idhayam Matrimony

இந்திய பொருளாதாரத்தின் தாராளமயமாக்கலுக்கு முதன் முதலாக வித்திட்டவர் மறைந்த மன்மோகன் சிங்

வெள்ளிக்கிழமை, 27 டிசம்பர் 2024      இந்தியா
0

Source: provided

புதுடெல்லி: இந்தியாவின் பொருளாதார தாராளமய​மாக்கல் கொள்கை​யின் தொடக்கத்துக்கு வித்திட்டவர் மறைந்த முன்னாள் பிரதமர் மன்மோகன் சிங்.​அவர் நேற்று முன்தினம் காலமானார். அவருக்கு வயது 92. அவரது மறைவுக்கு குடியரசுத் தலைவர், பிரதமர் உட்பட பல்வேறு தலைவர்களும் இரங்கல் தெரிவித்துள்ளனர்.

இந்தியாவின் 14-வது பிரதமராக பதவி வகித்த மன்மோகன்​சிங் கடந்த 1932 செப்​.26-ல் மேற்கு பஞ்சாபில் (தற்போது பாகிஸ்தானில் உள்ளது) பிறந்தவர். காங்கிரஸ் மூத்த தலைவர்களில் ஒருவரான இவர் கடந்த 1991-96 நரசிம்மராவ் தலைமையிலான அமைச்சரவையில் நிதி அமைச்சராக பதவி வகித்தார். பொருளாதார வல்லுநரான இவர் இந்தியாவின் பொருளாதார தாராளமய​மாக்கல் கொள்கை​யின் தொடக்கத்துக்கு வித்திட்டவர். ரிசர்வ் வங்கி​யின் கவர்னராக​வும் பதவி வகித்​துள்ளார். காங்​கிரஸ் தலைமையிலான ஐக்கிய முற்​போக்கு கூட்டணி அரசில் 2004 மே மாதம் முதல் 2014 மே மாதம் வரை என தொடர்ந்து 2 முறை பிரதமராக பதவி வகித்​தார்.

மன்மோகன் சிங்​குக்கு ஏற்கெனவே இதயநோய் உள்ளது. இந்த நிலையில், நேற்று இரவு அவருக்கு திடீரென மூச்சுத்திணறல் ஏற்பட்​டது. நினை​விழந்து மயக்கமும் ஏற்பட்டது. இதையடுத்து, டெல்லி எய்ம்ஸ் மருத்​துவ​மனை​யில் சேர்க்​கப்​பட்​டார். அங்கு அவரை காண காங்​கிரஸ் கட்சி​யின் மூத்த தலைவர்கள் திரண்டு வந்த வண்ணம் இருந்​தனர். மத்திய அமைச்சர் நட்டா​வும் எய்ம்ஸ் மருத்​துவ​மனைக்கு விரைந்து அவருக்கு அளிக்​கப்​படும் சிகிச்சை குறித்து கேட்​டறிந்​தார்.

தீவிர சிகிச்சை பிரி​வில் அவருக்கு தொடர்ந்து சிகிச்சை அளிக்​கப்​பட்டு வந்தது. அவரது உடல்​நிலை மிகவும் கவலைக்​கிடமாக இருந்து வருவதாக மருத்​துவமனை வட்டாரங்கள் தெரி​வித்தன. இதற்​கிடையே, எய்ம்ஸ் மருத்​துவமனை வளாகத்​தில் துணை ராணுவப்படை குவிக்​கப்​பட்டு பாது​காப்பு ஏற்பாடுகள் பலப்​படுத்​தப்​பட்டன.

இந்நிலை​யில், மருத்துவ குழு​வினர் தீவிர சிகிச்சை அளித்​தும் பலனின்றி மன்மோகன் சிங் நேற்று முன்தினம் இரவு காலமானார். உலகப் புகழ்பெற்ற கேம்ப்ரிட்ஜ், ஆக்ஸ்போர்டு, பல்கலைக்கழகங்களில் பொருளாதாரத்தில் பட்டம் பெற்றவர் மன்மோகன் சிங். பஞ்சாப், டெல்லி பல்கலைக்கழகங்களில் பணியாற்றி உள்ளார். டெல்லி ஜவஹர்லால் நேரு பல்கலைக் கழகத்தில் கவுரவ பேராசிரியராகவும் பணியாற்றினார்.

மன்மோகன் சிங், ரிசர்வ் வங்கி கவர்னராக 1982 முதல் 1985 வரை பணியாற்றினார். 1985 முதல் 1987 வரை திட்டக்குழு துணைத் தலைவராக இருந்தார். 1990-91 வரை பிரதமரின் பொருளாதார ஆலோசகராகவும் பணி யாற்றினார். மன்மோகன் சிங்குக்கு குர்சரண் கவுர் என்ற மனைவி, 3 மகள்கள் உள்ளனர். அவரது மறைவுக்கு தமிழக ​முதல்வர் ஸ்டாலின் உள்ளிட்ட பல்வேறு ​மாநில ​முதல்வர்களும் இரங்கல் தெரிவித்துள்ளனர்​.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 6 months 3 days ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 6 months 3 days ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 7 months 3 days ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 7 months 3 days ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 9 months 3 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 9 months 3 days ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.