முக்கிய செய்திகள்
Idhayam Matrimony

மத்திய அமைச்சர் ஜெய்சங்கருக்கு முன்வரிசை: இந்தியாவுக்கு ட்ரம்ப் நிர்வாகம் முக்கியத்துவம்

செவ்வாய்க்கிழமை, 21 ஜனவரி 2025      உலகம்
Jaishankar 2023 04 09

Source: provided

வாஷிங்டன் : அமெரிக்காவின் கேபிடல் கட்டிடத்தின் ரோட்டுண்டா அரங்கில் நடந்த டொனல்ட் ட்ரம்பின் பதவியேற்பு விழாவில், இந்தியாவின் பிரதிநியாக சென்ற வெளியுறவுத் துறை அமைச்சர் ஜெய்சங்கர் முன்வரிசையில் அமர்ந்திருந்தார்.

அமெரிக்க அதிபரின் பதவியேற்பு விழாவில் இந்திய வெளியுறவுத் துறை அமைச்சர் முன்வரிசையில் அமரவைக்கப்பட்டிருந்தது, இந்தியாவுடன் ட்ரம்ப் நிர்வாகம் நெருக்கமான உறவினை வைத்துக்கொள்ள விரும்புவதை தெளிவாகக் காட்டியது. ஜெய்சங்கர், ஈக்வடார் அதிபர் டேனியல் நோபாவுடன் நீண்ட முன்வரிசையில் அமர்ந்திருந்தார். இரண்டு வரிசைத் தள்ளி ஜப்பானிய வெளியுறவுத் துறை அமைச்சர் டகேஷி இவாயா மற்றும் ஆஸ்திரேலிய வெளியுறவு அமைச்சர் பென்னி வாங் அமர்ந்திருந்தனர். ஜப்பானும், ஆஸ்திரேலியாவும் குவாட்-ல் அங்கம் வகிக்கின்றன. அமெரிக்காவும் இந்தியாவும் அதில் உள்ளன.

இது குறித்து வெளியுறவுத் துறை அமைச்சர் ஜெய்சங்கர் வெளியிட்டிருந்த எக்ஸ் பதிவில், "வாஷிங்டனில் அதிபராக டொனால்ட் ட்ரம்ப் மற்றும் துணை அதிபராக ஜேடி வான்ஸ் பதவியேற்பு விழாவில் இந்தியாவை பிரதிநித்துவப்படுத்தியது பெரிய கவுரமாக இருந்தது" என்று தெரிவித்திருந்தார்.

அதேபோல், டொனால்ட் ட்ரம்புக்குகான பிரதமர் நரேந்திர மோடியின் கடிதத்தினையும் ஜெய்சங்கர் கொண்டு சென்றதாக தகவல் அறிந்த வட்டாரங்கள் தெரிவித்தன. அமெரிக்க அதிபரின் பதவியேற்பு விழாவில் வெளியுறவுத் துறை அமைச்சர் கலந்து கொண்டது, அரசு மற்றும் அரசாங்கத் தலைவர்களின் பதவியேற்பு விழாவில் பங்கேற்க சிறப்பு தூதர்களை அனுப்பும் இந்தியாவின் நடைமுறையின் அங்கமே என்று தெரிவித்தனர்.

இதனிடையே, டொன்ல்ட் ட்ரம்ப் அதிபராக பதவியேற்றதற்கு பிரதமர் மோடி வாழ்த்துத் தெரிவித்துள்ளார். பிரதமர் மோடி, "எனது அன்பு நண்பர் டொனால்ட் ட்ரம்புக்கு, அமெரிக்கவின் 47-வது அதிபராக நீங்கள் பதவியேற்ற வரலாற்றுச் சிறப்புமிக்க நிகழ்வுக்கு எனது வாழ்த்துகள். நமது இரு நாடுகளின் நலனுக்காவும், உலகின் சிறப்பான எதிர்காலத்தை வடிவமைக்கவும் மீண்டும் நான் ஒன்றிணைத்து பணியாற்றுவதை நான் எதிர்நோக்கிறேன். எதிர்கால வெற்றிகரமான பதவி காலத்துக்கு எனது வாழ்த்துகள்!" என்று தெரிவித்துள்ளார். மேலும், ட்ரம்பின் முதல் பதவி காலத்தின் நினைவுகளையும் பகிர்ந்திருந்தார். முன்னதாக, இந்திய வெளியுறவு அமைச்சர் ஜெய்சங்கர் அமெக்க தலைநகரில் சக வெளியுறவு அமைச்சர்களை சந்தித்தார். அதேபோல், புனித ஜான் தேவாலயத்தில் நடந்த பதவியேற்பு பிரார்த்தனையிலும் ஜெய்சங்கர் கலந்து கொண்டார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 6 months 4 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 6 months 4 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 7 months 4 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 7 months 4 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 9 months 4 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 9 months 4 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.