முக்கிய செய்திகள்
Idhayam Matrimony

ஜெய்ஸ்வாலுக்கு பதிலாக வருண் சக்ரவர்த்தியை அணியில் எடுத்தது ஏன்? காம்பீர் விளக்கம்

வியாழக்கிழமை, 13 பெப்ரவரி 2025      விளையாட்டு
Gambhir-2025-02-13

மும்பை, சாம்பியன்ஸ் டிராபியில் ஜெய்ஸ்வாலுக்கு பதில் வருண் சக்ரவர்த்தி  சேர்க்கப்பட்டதற்கான காரணம்  குறித்து காம்பீர் விளக்கமளித்துள்ளார்.

சாம்பியன்ஸ் கோப்பை... 

நடப்பு சாம்பியன் பாகிஸ்தான், இந்தியா, ஆஸ்திரேலியா, தென்ஆப்பிரிக்கா, இங்கிலாந்து, நியூசிலாந்து, வங்காளதேசம், ஆப்கானிஸ்தான் ஆகிய 8 அணிகள் பங்கேற்கும் 9-வது சாம்பியன்ஸ் கோப்பை கிரிக்கெட் போட்டி பாகிஸ்தான் மற்றும் துபாயில் வருகிற 19-ந் தேதி முதல் மார்ச் 9-ந் தேதி வரை நடக்கிறது. பாதுகாப்பு கருதி இந்திய அணி பாகிஸ்தான் செல்ல மறுத்ததால் இந்திய அணிக்குரிய ஆட்டங்கள் மட்டும் துபாயில் அரங்கேறுகிறது. கராச்சியில் நடைபெறும் தொடக்க லீக் ஆட்டத்தில் (19-ந் தேதி) பாகிஸ்தான்-நியூசிலாந்து அணிகள் மோதுகின்றன.

உத்தேச அணி அறிவிப்பு...

இந்த போட்டிக்கான 15 பேர் கொண்ட உத்தேச அணிகளை எல்லா நாடுகளும் ஏற்கனவே அறிவித்து இருந்தன. இந்த அணியில் மாற்றம் மற்றும் இறுதி செய்ய பிப்.11 -ம் தேதி கடைசி நாளாகும். இதன்படி இந்திய அணியில் இரு மாற்றங்கள் செய்யப்பட்டுள்ளன. வேகப்பந்து வீச்சாளர் ஜஸ்பிரித் பும்ரா காயம் காரணமாக இந்த தொடரில் இருந்து விலகி இருக்கிறார். அவருக்கு பதிலாக வேகப்பந்து வீச்சாளர் ஹர்ஷித் ராணா சேர்க்கப்பட்டுள்ளார். இதேபோல் தொடக்க ஆட்டக்காரர் யஷஸ்வி ஜெய்ஸ்வால் நீக்கப்பட்டு சுழற்பந்து வீச்சாளர் வருண் சக்ரவர்த்தி அவரது இடத்தை பிடித்துள்ளார். இது பலரது மத்தியில் கேள்வியை எழுப்பியது.

வருண் சக்ரவர்த்தி ஏன்?

இந்நிலையில் சாம்பியன்ஸ் டிராபி தொடருக்கான இந்திய அணியில் ஜெய்ஸ்வாலை நீக்கிவிட்டு வருண் சக்ரவர்த்தியை சேர்க்க என்ன காரணம்? என்பது குறித்து இந்திய அணியின் தலைமை பயிற்சியாளரான காம்பீர் விளக்கமளித்துள்ளார். இது குறித்து அவர் கூறியதாவது, "ஜெய்ஸ்வாலை நீக்கிவிட்டு வருன் சக்ரவர்த்தியை அணிக்குள் கொண்டுவர ஒரே காரணம்தான் உள்ளது. நமது அணியை பொறுத்தவரை மிடில் ஓவர்களில் விக்கெட் வீழ்த்தும் ஒரு பவுலர் நமக்கு தேவை. அந்த வகையில்தான் வருண் சக்கரவர்த்தியை அணிக்குள் கொண்டு வந்திருக்கிறோம். அவரால் மிடில் ஓவர்களில் சிறப்பாக பந்து வீசி விக்கெட்டை வீழ்த்த முடியும் என்கிற நம்பிக்கை இருக்கிறது.

பெரிய அச்சுறுத்தல்...

வருண் சக்கரவர்த்தி நிச்சயம் பந்து வீச்சில் ஒரு பெரிய அச்சுறுத்தலாக இருப்பார். அதனாலே அவரை அணியில் சேர்த்துள்ளோம். இருந்தாலும் அவர் பிளேயிங் லெவனில் நேரடியாக இடம்பெற்று விடுவார் என்று நான் சொல்லவில்லை. ஏனெனில் அணியின் வெற்றிக்கு என்ன தேவையோ அந்த வகையிலேயே நாங்கள் வலுவான வீரர்களை சரியான இடத்திற்கு தேர்வு செய்வோம்" என்று கூறினார். 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூளை பலம் பெற | ஞாபக சக்தி பெருக | மூளை சுறுசுறுப்பாக | சுறுசுறுப்பு பெற - சித்த மருத்துவ குறிப்புக்கள் 7 months 3 weeks ago புண்கள் குணமாக | ஆறாத புண்களை ஆற்ற | சிராய்ப்பு புண் | மறைவிடங்களில் உள்ள புண்கள் ஆற - சித்த மருத்துவ குறிப்புக்கள் 7 months 3 weeks ago வாந்தி நிற்க | கர்ப்பகால வாந்திக்கு, குமட்டல், பித்த வாந்தி 8 months 3 weeks ago
இரத்த வாந்தி மற்றும் வயிற்று வலி குணமாக | கல்லீரல் வீக்கம், இருமல் வயிற்று வலி குணமாக - சித்த மருத்துவ குறிப்புக்கள் 8 months 3 weeks ago மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 10 months 3 weeks ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 10 months 3 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2024 Copyright Thinaboomi. All Rights reserved. No reproduction of any sort is permitted.