மத்திய அரசை கண்டித்து தி.மு.க. எம்.எல்.ஏ.க்கள் கோஷம்

சென்னை, மத்திய அரசை கண்டித்து தலைமைச் செயலக வளாகத்தில் தி.மு.க. எம்.எல்.ஏ.க்கள் பதாகைகள் ஏந்தி கோஷமிட்டனர்.

வக்பு வாரிய சட்ட திருத்த மசோதா நாடாளுமன்றத்தில் மக்களவையில் தாக்கல் செய்யப்பட்டதை கண்டித்து தமிழக முதல்வர் மு.க.ஸ்டாலின் உள்ளிட்ட அமைச்சர்கள், தி.மு.க. சட்டப்பேரவை உறுப்பினர்கள், காங்கிரஸ், இந்திய கம்யூனிஸ்ட் கட்சி மார்க்சிஸ்ட் கம்யூனிஸ்ட் கட்சி சட்டப்பேரவை உறுப்பினர்கள் நேற்று சட்டபேரவை நிகழ்வுகளில் கருப்பு பேட்ஜ் அணிந்து கலந்து கொண்டனர்.

இந்நிலையில் தி.மு.க. எம்.எல்.ஏ.க்கள் சட்டப்பேரவை வளாகத்தில் வக்பு வாரிய சட்டத்திருத்த மசோதாவுக்கு எதிர்ப்பு தெரிவித்து பதாகைகளை ஏந்தியவாறு 'இஸ்லாமியர்களை நிராகரிக்காதே' 'இஸ்லாமியர்களை அழிக்காதே' போன்ற கோஷங்களை எழுப்பினர்.