பக்தர்களுக்கு ஆடை கட்டுப்பாடு: தஞ்சை பெரிய கோவிலில் அமலுக்கு வந்தது

தஞ்சை, தஞ்சை பெரிய கோவிலுக்கு வரும் பக்தர்களுக்கான ஆடை கட்டுப்பாடுகள் அறிவிக்கப்பட்டுள்ளது. 

தஞ்சைப் பெருவுடையார் கோவில் அல்லது தஞ்சைப் பெரிய கோவில் என்றும் அறியப்படும் தலம் தஞ்சாவூரிலுள்ள, சோழ நாட்டு காவிரி ஆற்றின் தென்கரையில் அமைந்துள்ள திருவிசைப்பா பாடல் பெற்ற சிவன் கோவிலாகும். 

இக்கோயில் உலகப் பாரம்பரிய சின்னமும் ஆகும். 10-ஆம் நூற்றாண்டில் புகழ் பெற்ற தமிழ் சோழ பேரரசர் முதலாம் இராசராச சோழன் இக்கோயிலைக் கட்டுவித்தார். இக்கோவில் தமிழகத்தின் மிக முக்கியமான சுற்றுலாத்தலமாகவும் விளங்குகிறது. 

இந்நிலையில் தஞ்சை பெரிய கோவிலுக்கு வரும் பக்தர்களுக்கான ஆடை கட்டுப்பாடுகள் அறிவிக்கப்பட்டுள்ளது. ஆண்கள் வேட்டி ,சட்டை ,பேண்ட் அணிந்தும் , பெண்கள் புடவை ,தாவணி, துப்பட்டா உடன் கூடிய சுடிதார் அணிந்து வரும்படி கோவில் நிர்வாகம் அறிவுறுத்தியுள்ளது.